EPHESIAN 6:1 - Cho Bible Common Language 2016

¹ Hta hmaw gui, nami nupa ah thu cu nami läk vai, cun cu khritha gui ah bi vai ah kyak ci.

EPHESIAN 6:1 Referans Kwoze

NG'THU K'THUUK~ 23:22

Na pa na ngaih vai, ani kä a om ung nang kä na om khai. Na nu a ghi law ung ani naktung aih nak cu na m’dang vai.

NG'THU K'THUUK~ 6:20

Ka hta, napa ah ning m’thein cu na bi vai, na nu ah ning m’cäi cu kä na m’hnih phung vai.

NG'THU K'THUUK~ 1:8

Ka hta, napa la na nu ah ning m’cäi cu geing na ne na ngaih vai.

THULÄÄN NAK 21:18

“Chang tumat ung a htapa tumat om ci, ani cu lingkeng ne hnungtuk ciah chang ah kyak ci. Ani cu a nupa gui naw tuthat u sei phi ng’thu kä ngai ci.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

1 TIMOTHI 5:4

Cun ung phi cun ah hmeinu ung a hta gui, atu gui, a om ah a kiak ung ngami cu ami mät ah kyongkhui ung ami yum nak ah mawngma la tu m’bei m’ghinsei gui ciah ami nupa pupi gui, ami m’hteihtang tuba vai ah mawngma gui cu ami theithang ma vai nei, cun cu Khanpughi ah ng’yak hlü ah kyak ci.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

ROMAN 7:12

Cun ah kya sei thukhän cu theing cim ci, thukhän cu ng’cim ne, ng’düng ne, nik ci.

LUKA 2:51

Cun kawn ah ak hmawhta Jesuh cu anu la apa awn a täng ah Nazareth ah hteit ba u netah, anu la apa ah ng’thu ngai ne om ci. Cun ah a kiak ah mawng gui cu anu Mari naw am lung kyong ung avan htin ci.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

1 PETER 2:13

Bawipa ah hmai teng nak awn huham om ciah chang ah uknak phung cu nami läk vai: Ghangpughang cu huham mah ci,

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

NG'THU K'THUUK~ 30:11

Apa plahtam ne anu kä yum ngak ciah chang amshah om ci,

ATÜNNAK 28:7

Jakob naw anu la apa ah m’cäi ngai ne, Mesopotamia khaw ah a hteh phi ani naw hmuk ci.

SAM 19:8

Bawipa ah thumkhän gui cu düng ci, läk ciah chang cu yeikyai sak ci. Bawipa ah thumkhän taga ci, m’lung kyong ung lung’lang nak pek ci.

ESTA 2:20

Esther cu tu ä a u naw Jew chang ah kä hmat ci. Mordekai naw a u am kä a m’thein vai ah a pyen ak ah kyak ci. Ani cu a hmaw hta ge ung Mordekai ah m’htei ah kya ne, a m’cäi ng’ya man ciah kya ne, ani naw ngai ci.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

ROMAN 16:2

Khanpughi ah chang gui ah mi kyak ci kya sei ani cu Bawipa ah ming awn nami dou vai nei. Nami m’hteihtang tu vai a hlü ah a kyak ung nami m’hteihtang tu vai nei. Ani cu chang akda m’hteihtang tuk ciah teihpüi k’ni ah kyak ci, kei phi nam hteihtang tuk ci.

SAM 119:75

Bawipa, na m’khoi cha nak ng’düng ciah ka hmat ci nei, Nang cu na bekhüt ci kya ne kei cu na na m’kyuk ci nei.

ATÜNNAK 37:13

Jakob naw Joseph am, “Na phäi gui naw htome ami shäm nak ah Shekhem ah na hteh tu vai ah ka ng’ya hlük ci nei” cik ci. Joseph naw, “Ä, ka hteit khai nei” cik ci.

JEREMIAH 35:14

Jonadab htangshon gui naw, sapyit tui kä awk vai ah ani ah thumkhän cu ngai ci gui, tuh ngawi güt ung a u naw phi kä awk ci gui. Cun ung phi kei naw k’pang ne ning thu püi gui ngä sei phi, nang mi naw kä nami ngai ci.

NEHEMIAH 9:13

Sinai m’htung ung khankho ah ka kyum law ne; Na chang gui cu na ng’thu püi gui ci thukhän akni la m’theithang nak akbä cu na pe gui ci.

1 SAMUEL 17:20

David cu a ngawi ung kho ngawi hta tho lawk ci, Htome gui shäm khai chang tumat nawng shüt neta, buh htun m’kang ne, Jesse naw am cäi ah hteit ci. Ani phung ung a gawk yah ung Israel gui cu ng’tuk nak vai ah ana hteit vai ci gui, ng’tuk vai nei cine m’lau ci gui.

SAM 119:128

Cun ah kyasei, kei naw na m’shüm thein avan cu ka läk ci; akshe lam avan cu ka thüi nak ci.

RUT 3:5

Ruth naw, “Na pyen päng ah ka bik khai nei” cik ci.

JEREMIAH 35:8

Jonadab naw ana pek gui ah m’shümthein nak avan cu keimi naw kami ngai ci. Keimi kami mät naw sapyit tui kä ka mi awk ci, kami chu gui, kami htapa gui, kami hta hnumi gui a u naw phi kä awk ci.

JEREMIAH 35:18

M’gäi ciah Bawipa, Israel khanpughi ah pyen cu kei nak Rechabit pah ta gui am kam’thein gui ci, “Nangmi naw nami pupa Jonadab naw aning pek gui ah thumkhän cu nami ngai ci; nangmi naw ani ah m’shümthein avan nami läk ci, ani ah ning

ATÜNNAK 48:12

ak hmaw goi cu la ba goi ne, m’dek ung a hmai gawk khai ah ama ah kawp ci.

ATÜNNAK 50:12

Jakob ah a hta gui naw am cäi gui shüt ah mäih ah bik ci gui.