EPHESIAN 5:6 - Cho Bible Common Language 2016

⁶ Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

EPHESIAN 5:6 Referans Kwoze

ROMAN 1:18

Düng nak cu chang gui naw kä ami hmat vai ah cheishoh, shetkat nak gui ah khan ah, khankho ah khanpughi ah m’lung k’she nak a gawk ah mawng cu dang law pyi ci nei.

MATTHE 24:4

Bawipa Jesuh naw, “Nangmi a u naw kä a mi ning m’hleeihlak-en gui vai ah geing na ne om vä.

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

KOLOSE 3:6

A shin ah a mawng gui awn Khanpughi ah m’lung she nak cu, thukhän ng’yak ciah chang gui ah khan ah gawk lawk khai.

MAKUH 13:5

Bawipa Jesuh naw, “Chang naw kä a ning m’hleei m’hlak-en gui vai ah nami ngaih nak vai.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

2 THESSALONIAN 2:3

A i ah kyasei phi chang gui naw hleeihlak ne ami pyein cu kä nami yum-en vai nei. Ak hnubäih ah Khanpughi hnu ng’tuk kütnet püi nak la m’htei ah hteit khai ah akshekha säih kä gawk law pha ah chuih, Bawipa ah hnüüp cu kä gawk lawk khai nei.

KOLOSE 2:4

Kei naw ka ning m’thein gui cu hleei pyein ne a u naw a i kä ning ng’cuh-en püi gui sä. Ngami naw a i hlawk ah nik ciah ami pyein ung phi kä nik khai nei.

MAKUH 13:22

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

SAM 78:31

Khanpughi cu ami khan ah m’lung she neta, Israel gui ah ak gai pi gui la ak phet pi hmaw chang gui cu ngawn gui ci.

HEBRU 3:19

Ngahmi cu cun ah kholei ung kä lut tu hlawt khai gui ah mi hmu gui pyi ci, a i ah kyasei ci ung ngami cu kä yum tuk ci gui ah kiak ci.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

JEREMIAH 29:31

Shemaiah mawng shin ah ng’thu cu Babilonia ah Chang phaa gui avan nam m’khäh gui vai ah kyak ci: “Kei, Bawipa naw Shemäiah la a htangshon avan cu ka m’kyuic gui khai. Kei naw ani ning thu püi gui ci. Ani naw a hleei cu nami yum vai ah ning ci gui ci. Nangmi ah ng’lungah ani ah hta ng’shon kä om khai. Kei ne kä hmu tuk khai, a i ah kyasei ci ung ngami naw kei ami na hnungtuk vai ah ani naw m’thein gui ci. Kei, Bawipa naw ka pyen nei.”

2 GHANGPUGHANG GUI 18:20

Ani naw akthäh cu, Ga tuk nak la ga näng nak cu ng’thu m’gawng naw m’khüt khai ah na ngai ne ma? Assiria na hnugntuk nak püi ung a u naw ning bawm khai ah na ngai ne ang?

JEREMIAH 27:9

Nami prophet gui, käcung malam ah amawng ng’cäbang thei ciah pyen ciah chang tumat mat cu kä nami ngai vai, ngami cu ami mang awn baw, aksi ah mümcha khü ne baw, cerai ne baw kya thei ci gui. Ngami ami van naw Babilon ghangpughang ung känami ng’kiaa vai al ning pyan nga gui khai gui.

JEREMIAH 37:9

Kei, Bawipa naw ka ning thukbäigui cu, Babilonian gui kä law ba khai gui cine ngai ne, nami mät naw nami mät kä nami m’hleei en vai nei, a i ah kyasei ci ung ngami cu law ba khai gui nei.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.