Biblia Todo Logo
Bib sou entènèt

- Piblisite -




EPHESIAN 5:5 - Cho Bible Common Language 2016

5 Pletbeng ci gui, shekhak ci gui, ng’yak hlü aih nak om ciah chang gui phung cu, Khanpughi la Bawi Khrit ah uknak kho ung chang ah kä kya tuk khai gui cicu akcang ah nami hmat ci nei. (Ng’yak hlü aih nak cu a gup khawihnah nak ah kyak ci nei.)

Gade chapit la Kopi




EPHESIAN 5:5
15 Referans Kwoze  

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.


Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.


Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)


Nangmi cu Khanpughi ah chang ah nami kyak ci kyasei, pletbeng nak, shetkat nak a hlü hlü la ng’yak hlü aih nak gui ah mawng cu, a pyein pang ah phi kä nami pyein vai nei.


Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.


Hnicim chang ah ng’yak hlü gui cu dang ge ci. Cun gui cu ng’yawpawm nak, shemshai nak, gän düt ah kyak nak;


Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.


A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.


Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.


Chang ah im, chang chu, chang ah changshäm, chang ah seime la a i pang phi chang ah kaa, kä na ng’yak hlü düt vai.


Mi pha ah khawh gui ungka, Babilonian suinu akiom ng’yung ät, ngui pit goi, ghui tawn apit ah vang cu ka hmuk ci. Kei naw cun gui cu ng’ya hlü aih neta ka lak ci nei. Ka phung ah akyong täng ah ka phuh cu nami hmuk khai nei, ngui cu ak um ung om khai nei.”


Khanpughi ah ma ah nang ngaih käng düng ci kyasei kei mi ah bi nak ung, nang kä na bi tuk khai.


“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.


Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.


Swiv nou:

Piblisite


Piblisite