EPHESIAN 5:4 - Cho Bible Common Language 2016

⁴ Ng’li ng’pyaan nak, ng’plahtaang nak, shaila lalei nak ah ng’thu phung kä nami pyein vai nei. Cun ah mäih ah thu nak vai sü ung Khanpughi bäng nami m’kümto vai nei.

EPHESIAN 5:4 Referans Kwoze

KOLOSE 3:8

Tuhbäi nangmi naw m’lungshe nak, beishet nak la thüigen nak ah amawng gui cu avan nami phiawn nak vai. Ashekha la amsheshai cu nami m’gawng m’lei ung kä lut-en law sä.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

1 THESSALONIAN 5:18

amawng ama avan ung Khanpughi cu m’hlüngtai vä. Bawipa Jesuh Khrit ung kawng ät ne nami ghin nak awn cun ah nami bi vai ah Khanpughi naw ng’ya hlük ci nei.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

THUSHÄUTU 10:13

Ani naw ang thu cu ak-ang thu awn tün ne, akgu ng’thu awn khüp ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

JUDE 1:10

Cun ung phi shin ah chang gui naw ami mät ah kä hmuhmat phung cu ng’yo m’sho ci gui. K’pyamaa khisa gui ah mäih ah, ami nupuk m’lung ngaih awn ami hmuhmat naw phi ami mät cu dimaih sak gui ci.

2 KORIN 9:15

Mikmi naw khei ung kä ng’pyi khai ah am gein nak ah hmawk ah Khanpughi cu mi m’hlüng m’tai khai nei.

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

SAM 92:1

O Bawipa, ning m’hlüngtai nak cu ni aih ci nei; O A hlüngtai säih Khanpughi, ng’äi awn ning m’taam nak,

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

2 KORIN 1:11

Nangmi naw keimi cu taigü nak awn nami nam htei gui vai. Nangmi akda naw nami k’taigü cu Khanpughi naw ngai ne, keimi cu hrilham na pe gui khai. Chang akda naw keimi ah hmawk ah ami k’aw m’hlaw ne, Khanpughi cu m’hlüngtai khai gui.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

NG'THU K'THUUK~ 12:23

Lunglang ciah chang cu a hmuhmat ung phi adüm ah om ci, cun ung phi chang gu ang gui naw, kä ami hmuhmat cu ahäu ne pyen ci gui.

2 PETER 2:7

Cun ung phi chang shekha gui ah om ah cheishoh ciah chang k’ni Lot cu phiawn sak ci.

SAM 33:1

Nangmi, düng ciah chang van naw, Bawipa ah bi ah hmawk ah yei ne m’lau vä; Ani ngai ciah chang van naw m’tam vä.

PHILIMON 1:8

Shin ah a mawng ung Bawi Khrit ung na phäi ah kyak ciah kei naw, na bilawh gui vai mawng cu khän ne ka ning bi sak hning ci nei.

1 THESSALONIAN 3:9

Tuhbäi nangmi ah hmawk ah kami Khanpughi cu kami m’hlüngtai hning pyi ci nei. Nangmi ah mawng ung Bawipa ah ma ah keimi ah yeikyai nak a om ah hmawk ah kami m’hlüngtai ci nei.

EPHESIAN 1:16

nangmi ah hmawk ah angtäi ah Khanpughi kam hlüngtai ci, ning shüm gui ne ka ning taigü pe gui ci.

JOHAN 6:23

Cun ung phi Tiperia ah kaa lawk ciah hleiko gui cu Bawipa Jesuh naw taigü ne chang akda-am ei am bei nak gui te ah pei ah gawk lawk ci gui.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.