EPHESIAN 5:27 - Cho Bible Common Language 2016

²⁷ Krihtabum naw ani ung ang ap law ba ung, ak kyom yüm yüm ah, alelawi, ak shekha kä om sei akümbe athangpai vai ah hmawk ah kiak ci.

EPHESIAN 5:27 Referans Kwoze

KOLOSE 1:22

Cun ung phi A Htapa pumsa awn asih nak awn Khanpughi naw a teihpüi ah ning pyang gui ci, amät ma ah theingciim nak la kümbe nak awn ning hteh püi gui ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

2 KORIN 4:14

Bawipa Jesuh thawh ba sak ciah Khanpughi naw, kei mi cun phi Bawipa Jesuh awn a täng ah na thawh ba sak gui ne, nangmi awn a täng ah ama ah na hteh püi gui khai cicu kami hmat ci.

SOLOMON NG’Ä~ 4:7

A i hlawk ah na kyom ci ang, ka m’hni aw; a i hlawk ah na kümbe ci ang!

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

JUDE 1:21

Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.

1 THESSALONIAN 5:23

Dimdeeih nak ah a phung Khanpughi naw, a mawng alam avan ung ning theingcim sak gui sä! Bawipa Jesuh Khrit a kyum law ba ung ng’ä vai kä om khai ah, nami mumcha, nami m’lung ngaih, nami pumsa avan cu Khanpughi naw ning kut shum gui sä.

SAM 45:13

Manghta ng’la cu mang im ung om ci — a ni cu kyom aih ci nei! Ani ah pänsam cu ghui pyai awn tah ah kyak ci.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

ISAIAH 62:3

Nang cu Bawipa ah hmawk ah kyom ciah lukhu ah na kyak khai.

SAM 87:3

Ngai ä, Khanpughi ah mang gaw oi, Nang ah mawng cäicat vai gui cu ani naw pyen ci nei:

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.