EPHESIAN 5:26 - Cho Bible Common Language 2016

²⁶ Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

EPHESIAN 5:26 Referans Kwoze

JOHAN 15:3

Nangmi cu kei ah m’theithang nak awn nami theing cim pyi ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

JOHAN 3:5

Bawipa Jesuh naw, “Kei naw akcang ka pyein cu, tui la Mumcha Theing awn kä ng’tüi cicu Khanpughi ah uknak kho ah kä lut hlawt khai.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

EPHESIAN 6:17

Hun nak ah kyak ciah m’si lukhu cu kutshum ne, Mumcha ah m’shumphyuk ah Khanpughi ah ng’Thu ah kyak ciah khimgan cu nami kawh vai nei.

1 JOHAN 5:6

Bawi Jesuh Khrit cu tui awn ang hnim nak la asi huk ne asih nak awn kyum lawk ciah Bawipa ah kyak ci. Ani cu tui bäng awn kyum lawk ciah kä kyak ci, tui la si awn kyum lawk ciah kyak ci. Cun ah düng ciah a mawng cu düng ciah Mumcha naw damg sak ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

HEBRU 10:10

Bawipa Jesuh Khrit naw Khanpughi ah ang yak hlü läk ne, amät ah pumsa cu, ang bäng ge ah ap ne a peit ah kyasei, mikmi cu theingcim nak mi gah ci.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

LAMKTU 22:16

Cun ah kyasei tuk bäi a i vai na ngaih shäng ang? Tho law ne, tui hnim ä, na katnak gui a ning m’si peit vai ah Bawipa ah taigü ä” cine pyein ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

JOHAN 17:7

Kei ung om ci phung cu nang ah na peit, nang ungka lawk ciah hmat pyi ci gui.

EZEKIEL 16:9

“Cun kawn ah kei naw tui la ne na si cu ka m’si ci. Na pumsa cu Olive-Situi awn ka ning hluk ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

JOHAN 15:8

Akda ah nami m’theih tak nak awn Kapa ah bämang nak cu nami dang sak ci; nangmi cun phi kei ah ng’düihpüi ah nami kya lawk ci.

TAIGÜTHUM 8:6

Moses naw Aaron la a hta gui cu law püi gui neta, theingthap nak tui ami ng’si vai ah pyen na gui ci.

TAIGÜTHUM 16:30

Acu hnüüp ung bilawh ah thung gui cu bilo ne, ami katnak avan ung ng’gängsei sak gui vai. Cun ah kyasei ngami cu theingthap khai gui.

JOHAN 13:10

Bawipa Jesuh naw, “Tui ng’si pyi cicu apum avan theing pyi ci kia sei, akho bäng m’si vai hlü ci. Nangmi ungka tumat ah kawn ah nami van nami theing pyi ci nei” cine pyein ci.

ROMAN 10:8

Cacim theing ah pyein hlü cu: Khanpughi ah ng’thu cu nami pei ah om ci; Cun ah thu cu nami m’gawng awn pyein ne, nami m’lung ung nami m’küm ci,” ciah kyak ci. Cun ah thu cu kei naw ka ning m’thein gui ah Khanpughi yum nak ah mawng ah kyak ci.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

HEBRU 10:14

Hnü ät ang bäng ah a küikyan nak awn, theingcim nak gah ci gui cu, angtäi sei kümbe sak gui ci.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

HEBRU 13:12

Cun ah kyasei Bawipa Jesuh Khrit cu a si ng’hlui awn chang gui ah, cheishoh nak m’si khai ah, mang gaw ah k’pung ah sik nak aut ci.

2 PETER 1:9

Cun ung phi cun ah hlü nak gui kä om ciah chang cu, ak tawi ah ngai ne, a i kä hmuk ci. Ani cu ayanä ashetkat nak ung kaa theingcim nak agah cu kä shüm ba ciah kyak ci.

TAIGÜTHUM 14:11

Taigü naw cun ah chang la douthak vai gui cu Bawipa ah om nak ah phung, valuh nak ung law püi khai.