EPHESIAN 5:25 - Cho Bible Common Language 2016

²⁵ Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

EPHESIAN 5:25 Referans Kwoze

1 PETER 3:7

Acun ah mäih ah nangmi pami gui naw phi nami chu gui cu, ami thagui ken ci kyasei, ami m’lung ngaih hmat ne nami k’dük gui vai. Ngami cu Khanpughi ah nam shumphyuk gui ah ghin nak, nangmi awn a täng ah gah tuk khai gui ah kyasei, chang m’sui ne nami om püi gui vai nei. Cun ah nami bi ung vah nami taigü nak hnaihnawk nak a i kä om khai.

KOLOSE 3:19

Pami guiaw, nami chu nami m’hni vai, kä nami shedam nak vai,

EPHESIAN 5:28

Pami gui naw ami chu cu ami mät ah pumsa ami m’hni ah mäih ah ami m’hni vai. Ak chu m’hni ciah chang cu a mät naw amät phi m’hni ciah kyak ci.

ATÜNNAK 2:24

Cun ah kyasei pami naw anu la apa nawng shüt ne, akchu cu ng’pungkhah püi sei, ngani cu tumat ah kya lawk ci goi.

EPHESIAN 5:33

Cun ung phi nangmi tumat ciah hmawk ah phi kyak ci; a cei phung naw ak chu cu amät awn m’täng ne am hni vai, ak chu phung naw phi a cei cu ak chang m’sui vai.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

ATÜNNAK 24:67

Isaak naw Rebekka cu anu Sarah ah om nak man ah kyong ah luh püi sei, ani cu a chu ah kya lawk ci. Isaak naw Rebekka cu m’hni ciah kya neta, anu ah sih ah a thüi nak ungka huiyang ba ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

2 SAMUEL 12:3

dukhaih ci ung htome hta tumat bäng ak hleih tu om ci. Ani naw akni ah m’htei ci, cun cu a im ung a hta gui awn a täng ah däm ng’ghaw lawk ci. Ani naw amät ah ei ungka m’bei ci, amät ah khap ung tui tu ci, ak coi ung k’pawm ci. Htome hta cu a hta hnumi ah mäih ah kyak ci.

1 TIMOTHI 2:6

Cun ah Bawi naw hnicim chang gui phiawn khai ah a pumsa ap ci. Cun cu chang nüng hun vai ah, a khin ni ah a kyak ah mawng, Khanpughi ah ang yak hlü cu am dang nak ah kyak ci.

EPHESIAN 5:24

Cun ah kyasei krihtabum naw Bawi Khrit ah kutshum nak a dou ah mäih ah hnumi gui naw phi nami cei ah kutshum nak cu ak be ah nami dou vai nei.

SOLOMON NG’Ä~ 1:11

Keimi naw nang ah phäh ah ghui a äh-awi cu ngui awn cüiche ne kami pyang khai nei.