EPHESIAN 5:20 - Cho Bible Common Language 2016

²⁰ Mi Bawipa Jesuh Khrit ah ming awn, amawng ama avan ung, Pa Khanpughi cu nami m’küito vai nei.

EPHESIAN 5:20 Referans Kwoze

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

1 THESSALONIAN 5:18

amawng ama avan ung Khanpughi cu m’hlüngtai vä. Bawipa Jesuh Khrit ung kawng ät ne nami ghin nak awn cun ah nami bi vai ah Khanpughi naw ng’ya hlük ci nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

EPHESIAN 5:4

Ng’li ng’pyaan nak, ng’plahtaang nak, shaila lalei nak ah ng’thu phung kä nami pyein vai nei. Cun ah mäih ah thu nak vai sü ung Khanpughi bäng nami m’kümto vai nei.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

SAM 34:1

Kei naw angtäi sei Bawipa ka yei nak khai nei; kä düm phung ne ka m’taam khai nei.

2 THESSALONIAN 2:13

Phäi nau gui aw, Keimi naw Bawipa naw a ning m’hni gui ah nang mi ah hmawk ah angtäi sei Khanpughi cu kami m’kümto khai nei. Khanpughi naw nangmi ak htük bäih ah hun nak nami gah khai ah a ning khü gui cu, Mumcha Theing ah hlüngtai nak awn theingcim ciah akchang ah nami kyak ah hmawk la cacim nami yum ah hmawk ah kiak ci.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

1 KORIN 1:4

Nangmi am Bawi Khrit Jesuh ung geinsei nak a ning pek gui ah hmawk ah Khanpughi cu angtäi sei kam hlüngtai ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

PHILIPPIAN 1:3

Nangmi ah mawng ka ngaih-tüh päng ung Khanpughi cu kam hlüngtai ci:

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

1 THESSALONIAN 3:9

Tuhbäi nangmi ah hmawk ah kami Khanpughi cu kami m’hlüngtai hning pyi ci nei. Nangmi ah mawng ung Bawipa ah ma ah keimi ah yeikyai nak a om ah hmawk ah kami m’hlüngtai ci nei.

ROMAN 1:8

Khomdek khan avan ung nang mi ah yum nak ng’ya pyi ci gui ah kia sei, ak htük bäih ah Zesuh Khrit ah ming ung Khanpughi cu kam hlüngtai ci.

1 KORIN 15:24

Cun kawn ah kho ah ng’pyi nak gawk lawk khai; Cun kawn ah Bawi Khrih naw, mümcha uk ci gui a van, huham nak gui avan, hlüngtai nak gui a van cu näng ne khäm netah, Uknak kho cu Pa Khanpughi ah kut ung ap khai.