EPHESIAN 5:2 - Cho Bible Common Language 2016

² Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

EPHESIAN 5:2 Referans Kwoze

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.

2 KORIN 2:15

Mikmi cu Bawi Khrih naw Khanpughi a khawihnah nak ah ng’ui ah mäih ah, hun nak gah sang ci gui la chükmaih sang ci gui ah ng’lung ah mi ng’ui ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 KORIN 16:14

Nami bi phung m’hni nak awn nami bi vai.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

1 JOHAN 3:16

Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

1 TIMOTHI 2:6

Cun ah Bawi naw hnicim chang gui phiawn khai ah a pumsa ap ci. Cun cu chang nüng hun vai ah, a khin ni ah a kyak ah mawng, Khanpughi ah ang yak hlü cu am dang nak ah kyak ci.

EPHESIAN 4:15

Mikmi cu m’hni nak ah m’lung htek ung, thu thuuk mi pyein nak awn, chunglu ah kyak ciah Bawi Khrit ung ng’phaa vai ah, a mawng alam avan ung mi hlüngtai tuk khai nei.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

1 THESSALONIAN 4:9

Zum ci gui nami mät nami ng’hni tu vai ah mawng cu ca guk vai kä hlü ci. Nami mät gui nami ng’hni tu vai ah nami mät cu Khanpughi naw ning m’thein gui pyi ci.

EPHESIAN 4:2

Ang täi sei nami m’lung neim sak ne, ng’awi ng’gi ne, hnimgei ne nami om vai nei. Tumat la tumat Lung gei, ngaih ni nak awn, nami m’hni cu dang sak vä.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.

TAIGÜTHUM 1:17

Ani naw ang phia gui ung k’pang ne apum cu hleei ne, ang phia cu kä hleei en neta, avan cu sonkiang khan ah am khih vai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

HEBRU 9:23

A shin ah mawnglam awn khankho ung phungpawng ciah amüi gui cu theingcim sak ah kyak ci. Khankho müi gui theingcim nak sak ung küikyang pi ciah küikyan nak cu bi vai kyak ci.

EPHESIAN 3:19

Ani ah m’hni nak cu nami hmat lawk khai, cun ung phi kümbe khai ah a i yah ung phi kä nami hmat hlawt khai — cun ah kiasei Khanpughi ung yungpyaa ne khänghtek vai ah ng’hläm ne nami ngaih gep vai nei.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

AMOS 5:21

Bawipa naw, “Zumnak ah nami pawi gui cu kei naw ka thüi nak ci, kei naw kä ka m’düih gui hlawt khai!

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

EPHESIAN 5:25

Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

1 KORIN 5:7

K’caw k’phyim ah kyak ciah katnak cu nami nawng shüt vai, cun ung vah nangmi cu nami theingcim lawk khai. Cun ung nangmi cu k’caw kä shum ah m’htut den k’thai ah mäih ah nami kyak khai. Cun ah nangmi akcang ah nami kyak cu kei naw ka hmat ci. Mikmi ah phiawnnak Htome ah kyak ciah Bawi Khrih awn ng’küikyan pyi ah kya sei, phiawnnak pawi cu bige vai kyak ci nei.

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

TAIGÜTHUM 3:16

Bawipa naw a yeikyai nak ah ei-douthak ah shin gui avan cu sonkiang ung taigüpa naw am khih vai. Athau avan cu Bawipa naw khäm ci.

PHYAWN NAK 29:18

Htome avan cu sonkiang ah khan ah m’khih ne, ei ah douthak vai. Cun ah douthak ah ang ui cu kei naw yei ne ka dou khai.

PHYAWN NAK 29:25

Cun kawn ah ngami ungka la ba neta, mei awn m’khih ne douthak nak ah sonkiang khan ah m’khih vai, cun cu kei am ei nami na douthak ah kyak ci. Shin ah ng’ui ciah douthak nak naw kei cu na yeikyai sak ci nei.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

EPHESIAN 5:15

Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

HEBRU 8:3

Taigü Tung phung cu Khanpughi am peit vai gui vawihpeh khai ah m’düih ah kyak ci. Cun ah kyasei mikmi ah Taigü Tung cun phi a vawihpeh vai tumat mat om khai ah kyak ci.

THULÄÄN NAK 27:6

A i ah kyasei ci ung a i sonkiang phi Bawipa nami Khanpughi ah phäh ah nami cawh ah a kyak ung kä ng’keng ciah lung awn nami pyan vai. Acun ung nangmi naw m’khih ne khawihnah nak cu nami douthak vai.