EPHESIAN 5:19 - Cho Bible Common Language 2016

¹⁹ Tumat la tumat nami thu ng’htau nak ung hlim ciah ng’äi gui, m’hlüngtai nak ng’äi gui, theingcim ciah ng’äi gui awn nami thu ng’htau vai nei: nami m’lung kyong ah Bawipa cu m’hlüngtai ne, hlim ciah ng’äi gui la m’hlüngtai nak ng’äi gui cu nami m’cu vai nei.

EPHESIAN 5:19 Referans Kwoze

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

1 KORIN 14:26

Cun ah kyasei phäinau gui aw, nangmi cu khawihnah vai ah nami pum law ah a kyak ung, tumat naw ng’äi m’cu sei, tumat naw m’theithang sei, tumat naw Khanpughi ah ng’thu thuuk pyein sei, tumat naw ng’thu a hlü hlü awn ng’thu pyein sei, a hei tumat naw cun ah ng’thu m’hlan ba sei, nami bi vai. Cun ah nami bi nak phung cu Khrithabum ah bä nak ah kya sä bäi.

SAM 95:2

Law vä, ama ah mi m’hlüngtai khai, yeikyai nak ng’äi m’cu ne mi m’taam khai nei.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

SAM 147:7

M’tam nak ah ng’äi cu Bawipa am m’cu vä; mi Khanpughi cu m’tam ne tingtäng tum vä.

JAMES 5:13

Nangmi ungka yaica nak ung gawk ciah chang cu, taigü sä, yeikyai ciah chang naw ng’äi m’cu sä.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

ISAIAH 65:14

Ngami naw yei ne ng’äi m’cu khai gui, cun ung phi nangmi nami m’lung thüi sei nami kyap khai.

SAM 86:12

O Bawipa, ka Khanpughi, ka m’lung kyong avan awn ka ning m’taam khai nei. Na ng’ghawtai nak ah mawng cu angtäi sei ka ng’shäu khani nei.

MATTHE 26:30

Cun kawn ah ngami cu ng’äi m’cu u ne Olive khomhtung lam ah hteit ci gui.

MATTHE 15:8

Khanpughi naw, ‘Shin ah chang gui naw, ami shai awn Kei cu nam hlüngtai ci gui, Cun ung phi ami m’lung cu kei awn ng’shawng aih ci.

1 KORIN 14:15

Cun ung kei naw a i chaa ka bik khai ang? Ka mümcha awn ka taigü ung kam lung kyong ung phi kak taigü khai; ka mümcha awn ng’äi kam cu ung kam lung kyong ung ng’äi kam cu khai.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.