EPHESIAN 5:18 - Cho Bible Common Language 2016

¹⁸ Ning m’gämce sak gui khai ah yu cu kä nami awktat vai, Mumcha awn nami kümbe vai nei.

EPHESIAN 5:18 Referans Kwoze

NG'THU K'THUUK~ 20:1

Yu akda awk cu pyam nak la gu nak ah kyak ci. Awktat cicu gu taak ci.

ROMAN 13:13

Mikmi cu akdei ung om ciah chang gui ah mäih ah ak ni ah mi om ih khai nei; auk tat nak, om k’she nak, plet beng nak, lü ng’aa nak, ng’tuk ng’ah nak, m’thüi m’khang nak gui cu avan mi nawng yawp khai nei.

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

ISAIAH 5:22

Nami khaw mü ci nei! Zu ah chang m’gäi gui! Nangmi cu awk nak naw aning k’caw law gui ung nget u ne kyih nak nangmi ung kä om ba ci nei!

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

LAMKTU 11:24

Barnabas cu chang k’ni ah kya ne, Mumcha Theing awn phi be ne, Düng nak awn phi küm ci kya ne, chang akda cu Bawipa ah khü law gui ci.

1 THESSALONIAN 5:7

Chang gui cu mü ah ip ci gui; mü ah awktat ci gui.

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

LUKA 11:13

Nangmi cu changshe ah kya pang u ne phi nami hta gui-am akni nami peit gui ung, khankho ah om ciah nami Pa Khanpughi naw ng’yoi ciah chang gui-am Mumcha Theing cu akbä ah pek khai nei” cik ci.

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

TITUS 1:6

Khritha k’tahnga cu m’kat vai ah kä om ciah chang ah kyak khai, tumat bäng chu nak khai, a hta gui cu yum ciah chang gui ah kyak khai, Om she m’gäi m’cik ci gui, beit kä ng’yak ci gui ah kä kiäen khai.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

THULÄÄN NAK 21:20

Ngami naw ami pyen nak gui vai cu, “Kami hta cu linglai ci, hnungtuk ci, kei mi kä na ngai gui ci, ani cu ngui pyi yawp ci, awktat ci.

1 KORIN 11:21

Nangmi cu nami mät ah ei phäh phäh nami ei ci kya ne, am shah ei cawi sei, amshah awktat sei, nami kyak ci.

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

ATÜNNAK 9:21

Ani cu sapyit tui aw ne, awktat ne, a suisak suut ne akplui ah ak pyu ah ng’yän ci.

MATTHE 23:25

“Thuvi ciah pharisee gui la thukhän saya gui, nangmi ung thüisei nak om ci, nangmi cu nami eik-bei la nami m’yakkoi gui ak pung ah theing khai ah nami m’si ung phi, nami m’lung kyong ah ng’yak nak hlü aih la ngetngawng nak cu be ci nei.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

SAM 69:12

Ngami naw lam lung ungka mawng pyen u ne, awktat ci gui naw na ng’äi ci gui.

MATTHE 24:49

chang shäm hnumi pami gui cu tuthat gui ne, ei awk ci gui awn a täng ah ei awk tat ne om khai nei.

SOLOMON NG’Ä~ 7:9

Na m’gawng cu sapyit tui akni pi ah mäih ah kyak ci. Cun ung sapyit tui cu kei ah ka m’hni ah am nei la a ha ah khan ah long sä.

TAIGÜTHUM 10:9

“Nang la na hta gui cu yu baw, beer baw nami awk phung ung kei ah om nak ah Phung ung kä nami valuh en vai, nami luh ung nami sik khai. Shin cu nami htangshon avan naw nami k’pan vai ah thukhän nei.

JOHAN 2:10

Cun ah kyasei ang vai naw chu mah cu khü netah, “Chang gui naw, sapyit tui asü cu cung ma u netah, akhnu ah aktai cu cung ba man ci gui, nang läi tuhgüt asü na gim ci” cik ci.