EPHESIAN 5:15 - Cho Bible Common Language 2016

¹⁵ Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.

EPHESIAN 5:15 Referans Kwoze

KOLOSE 4:5

Kä yum ci gui ah chang gui ah ng’lung ah nami hnünthawh ung nami cüivai lunglang vai nei. Akhin nami gah phung cu aknipi ah nami mang thei vai nei.

JAMES 3:13

Nangmi ungka cüivai ne hmuhmat ciah chang tumatmat a om ah a kyak ung, akni ah aghin nak la akni ah a om ih nak cu m’lung neim nak la Lulang nak awn dang sak sä.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

NG'THU K'THUUK~ 14:8

A i ah kyasei lunglang ciah chang a vuivai ang? A i ah kyasei ci ung ani naw ai a bi vai hmat ci. A i ah kyasei ang lam ciah chang a gu ang ang? A i ah kyasei ci ung ani naw a hmat hta bang ngaih tuh ci.

1 TIMOTHI 6:9

Bühmang hlük ciah chang gui cu tüihtok nak gah thei ci gui nei, ngami cu m’ghämce ne shetkat nak ah ng’yak nak hlü naw pha gui thei ci nei, cun ah yak hlü nak naw ngami cu didap sak gui thei ci nei.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

KALATIAN 3:3

Nangmi cu a i ah kyasei shin hlawk ah nami ang-ang! Khanpughi ah Mumcha awn tün law u netah, nami mät ah hlüngtai nak awn nami pleh hlük ci maa?

JOB 2:10

Job naw mshang ci, “Nang akholä ah na ng’thu ci! Khanpughi naw akni ana pek gui ung yei ne mi dou ci, ani naw khuikha nak ana pek law ung mä a i hawkcha ah maa thei vai ang? A i chü ah akhuikha ung phi Joba naw Khanpughi ka hnungtuk ci.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

EPHESIAN 5:33

Cun ung phi nangmi tumat ciah hmawk ah phi kyak ci; a cei phung naw ak chu cu amät awn m’täng ne am hni vai, ak chu phung naw phi a cei cu ak chang m’sui vai.

2 SAMUEL 24:10

David naw cun ah chang khei nak abi kawn ah am lung kyong ung yaica nak gawk lawk ci, cun ah kyasei ani naw Bawipa am, “Kei naw shin bi ne kyih aih vai ah katnak ka bik ci nei! Na bä ni na m’gein sei ä. Ak gu ang ah ka hnün tho pyi ci nei” cik ci.

PHYAWN NAK 23:13

“Kei, Bawipa naw ka ning thu püi gui phung cu nami ngaih vai. A hei khanpughi gui ah kä nami taigü vai, ami ming pang phi kä nami pyen vai.

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

KALATIAN 3:1

Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

MATTHE 25:2

Cun gui ungka sing hma cu lunglang ci gui, sing hma cu kä lunglang ci gui.

SAM 73:22

kei cu ui ai ah mäih ah kya ne; nang ah mawng cu kä ka ning hmat ci nei.

NG'THU K'THUUK~ 15:21

Chang shekha gui cu ami gu ang nak awn yeikyai ci gui, Cun ung phi cüivai ci naw dung nak bik ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.