EPHESIAN 5:14 - Cho Bible Common Language 2016

¹⁴ Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

EPHESIAN 5:14 Referans Kwoze

ISAIAH 60:1

Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

1 THESSALONIAN 5:6

Cun ah kyasei mikmi cu chang hei gui ah mäih ah ip düt ne kä mi om khai nei, cim’gang tholet ne mi om khai nei.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

KOLOSE 3:1

Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.

ISAIAH 51:17

Jerusalem, ng’shüm law? Na mät naw namät m’tho ne, let law! Bawipa na a m’lungshe nak, na awk vai ah a ning pek ah m’kyuk nak ah khap cu na aw pyi ci nei; Nang naw na yuk awk te, a cun naw ning phiui ci nei!

ROMAN 6:13

Nami pumsa cu a i yah ung phi shetkat nak ah hmawk ah kä nami mang en vai. Cun nak vaisü ung, sih nak ungka ghing ba ciah chang gui ah kya ne, nami pumsa cu Khanpughi am nami ap vai, Düng nak ah a mawng ung a ning mang gui vai ah pumsa la ghin nak avan cu, Khanpughi ung nami ng’ap vai nei.

JOHAN 9:5

Kei cu khomdek khan ah ka om yah ung khomdek khan ung akdei ah ka kiak ci,” cik ci.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

EPHESIAN 2:5

ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

2 TIMOTHI 1:10

Cun ung phi tuhchü, mi Hunbawi Khrit Jesuh a kyum law kawn ah, cun ah m’gein nak cu, mikmi ung dang lawk ci. Bawipa naw sih nak ah hlüngtai nak cu m’shiu netah, Thu Ni awn käng khuk hlat ciah ang täi ghin nak cu dang sak ci nei.

2 TIMOTHI 2:26

Cun ung ngami cu düng nak hmu law u ne, ang yak hlü phung läk khai gui ah pha ne shum gui ciah khoshe ah kut ungka phiawng khai gui nei.

LAMKTU 13:47

Bawipa naw ana peit gui ah thukhän cu: “Kei naw nangmi cu changpakhui hei gui ah hmawk ah, akdei ah ka ning m’düih gui ci, Cun ah kyasei khomdek khan avan naw hun nak gah khai, ci ne pyein ci” cine pyein sak ci goi.

LUKA 1:78

Mikmi ah Khanpughi cu m’gein nak la k’dük nak awn be ci. Ani naw a hun nak ah akdei cu mi khan ah ng’shü law sak ne,

LUKA 15:24

Ka hta cu ayan asih te ung phi tuhbäi ghing ba ci nei, ayan a maih te ung phi tuhbäi hmuh ba pyi nei” cine akchang gui-am pyein ah gui ci. Cun kawn ah ngami cu ei aw ne yeikyai yawp ci gui.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.