EPHESIAN 5:11 - Cho Bible Common Language 2016

¹¹ Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

EPHESIAN 5:11 Referans Kwoze

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

1 TIMOTHI 5:20

Shetkat nak bik ciah chang cu, chang a hei gui ami kyihkyawk vai ah phäh ah, chang khli ah lung ah nami m’cäi vai nei.

2 THESSALONIAN 3:6

Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

THU PHLAAN 18:4

Cun kawn ah khanmawpi ah kaa k’aw a hei cu ka ng’ya ba ci. Cun ah k’aw naw; “Lut law ba vä! Kei ah chang gui, Ani ungka lut law ba vä! Ani awn a täng ah kä nami cheishoh tu vai, Ani awn a täng ah m’shetkat nak kä nami gah tu-en vai!

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

2 THESSALONIAN 3:14

Shin ah kami ning m’khäh law gui ah ca ung ning m’cäi nak gui ah ng’thu kä läk tuk ciah chang cu, m’hnüt u netah, kä ng’gui ng’pha püi ne nami nawng vai nei, cun ung ani cu lü ng’aa khai nei.

ROMAN 6:21

Cun yah ung nami bi lawh gui naw a i ah phi kä ning khüi ng’vong gui ci, cun naw tuk bäi ning lü ng’aa sak gui ne, ak hnu ah sih nak ung ning gawk sak gui ci.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

KALATIAN 6:8

M’dek chang ah ng’yak hlü ah m’dek ung geit ci naw, sih nak ah a vuipai cu khäm ba khai; Mumcha ah ng’yak hlü ah ng’lei ung geit ci naw, angtäi ghin nak ah a vuipai cu khäm ba khai.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

NG'THU K'THUUK~ 13:18

A i kä ng’theithang cicu dukhaih nak la khüikha nak om ci. M’shungdüng nak ngai ciah chang cu chang m’sui nak om ci.

TAIGÜTHUM 19:17

“Chang tumat mat hnungtuk ne m’lung kä m’hni nak kä na m’dang vai, cun ung phi ani awn kä täng khai ah na om vai. Cun ung ani ah hmawk ah nang naw katnak kä na bik khai.

1 THESSALONIAN 5:7

Chang gui cu mü ah ip ci gui; mü ah awktat ci gui.

LUKA 3:19

Cun kawn ah Johan naw, anau ah chu Herodias phi chu na ne, kat nak akda bik ciah Herod cu, akat nak dang yawp khai ah m’cäi ci.

EPHESIAN 5:7

Cun ah kyasei cun ah mäih chang gui awn api ah phi kä nami ng’ce ng’cäk en vai.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

ISAIAH 29:21

M’thüi ciah chang, ngawnphak ci m’kyuk nak vai shungvong ciah cang, düng ciah chang naw taga nak kä gah khai ah hleei hlak ne pyen ciah chang gui cu khanpughi naw m’di gui khai.

NG'THU K'THUUK~ 25:12

Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

SAM 141:5

Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

ATÜNNAK 20:16

Ani naw Sarah am, “Na phäi am ngui phia gha ka pek nei, cun cu nang awn nami om ciah chang avan changni ah nami kyak m’dang nak la chang nü naw katnak kä na bik ciah a hmat vai ah kyak ci” cine pyen nak ci.

NG'THU K'THUUK~ 19:25

Chang omshe cu m’kyuk vai. Cun ung ba tuba ci. Ka hmat ciah chang naw ng’thei nak khai. Nang cu na cuivai ah a kyak ung ami ning m’shum thei ung na ng’thei thei khai.

NG'THU K'THUUK~ 15:12

Amlung m’dam ci naw chang ah m’shung dung ka ng’ya hlük ci, cuivai pi ci naw m’shumthein vai ka thah ci.

MATTHE 18:15

Na phäi nau naw a ning katnak ung, katnak am dang thei vai ah a om nak ah na hteh vai. Nani mät ng’hmu ni ne na ning lak mah nak cu naning ge nak vai. Na thu ang ngaih ung naning gei ba khai.

JEREMIAH 15:17

Kei naw ka mät ah khin cu gaih ng’pian om k’ni düt awn kä ka ng’pyi sak ci. Nang ah thukbäi gui cu ngai ne, ka mät naw ka mät om ne, m’lungshe nak awn ka be ci.

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

1 TIMOTHI 6:5

gui cu ng’lih pyou sak ci. Cun ah om ih ciah chang gui cu ami lung ngaih hnga sei, thu düng caciim kä hmat ci gui ah kiak ci. Ngami naw yum nak ah lam cu bühmang nak ah lam ah ngai ci gui.

NG'THU K'THUUK~ 1:10

Ka hta, cheishoh ciah chang gui naw ami ning tüihtok ung kä na ng’kiaa en vai.

NG'THU K'THUUK~ 28:4

Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

EPHESIAN 5:12

(Chang gui naw m’yih m’thuh ne ami bilawh gui cu, pyein tu vai ah phi lü ng’aa vai kyak ci nei.)

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.