EPHESIAN 5:10 - Cho Bible Common Language 2016

¹⁰ Bawipa ah a yei kiai nak cu nami theithang vai nei.

EPHESIAN 5:10 Referans Kwoze

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

SAM 19:14

Ka thu la ka m’lung ngaih cu nang ah dou thei vai ah kya sä, O Bawipa ka ng’yii nak la ka Hunbawi!

1 PETER 2:20

Nangmi cu nami cheishoh nak ah hmawk ah ng’lüm ne geinvai nak nami aut ah phäh ah ning m’hlüngtai gui vai, a i kä om ci nei, cun ung phi düng nak nami bi ah hmawk ah geinvai nak cu ng’lüm ne nami aut läi ung, Khanpughi naw bä nak ning m’shumphyuk gui khai nei.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

1 THESSALONIAN 5:21

Apäng avan m’nüm ne k’tä netah, nik ci phung cu kut shum u ne,

1 TIMOTHI 2:3

Cun cu nik ciah kyasei mi Hunbawi Khanpughi ah am hni ah kya ci.

PHILIPPIAN 1:10

Cun ah kya sei nangmi naw ak ni pi cu nami ghü hning khai nei. Cun ung vah nangmi cu Bawi Khrit a law ba hnüüp ung, m’kat nak kä om ciah kä theingthap nak cu nami phiawn nak khai.

ROMAN 14:18

Ashin ah mäih ah Bawi Khrit ah khuut bik ciah chang cu Khanpughi naw yei nak ci, chang naw phi m’hlüngtai ci.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

1 TIMOTHI 5:4

Cun ung phi cun ah hmeinu ung a hta gui, atu gui, a om ah a kiak ung ngami cu ami mät ah kyongkhui ung ami yum nak ah mawngma la tu m’bei m’ghinsei gui ciah ami nupa pupi gui, ami m’hteihtang tuba vai ah mawngma gui cu ami theithang ma vai nei, cun cu Khanpughi ah ng’yak hlü ah kyak ci.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

1 SAMUEL 17:39

David naw Saul ah khim cu shawiphaw ung bun ne hteit shüm ci, cun ung phi kä hteit hlawt ci, a i ah kyasei ci ung ani naw cun gui cu kä ah sui man ah kyak ci. “Shin awn kä ka tu hning khai nei, kei shin ah mäih kä ka sui man ci” cine Saul am pyen nak ci. Cun ah kyasei ani naw avan sut ba ci.

ISAIAH 58:5

Einmai hlwi ng, nami mät naw nami mät nami yaica sak ci; khum’ghaw ah ng’voi ah mäih ah nami lu ngüm ne kawp ne, sui she phüi ne, m’vut ung ng’zaän ne nami kyak ci. Cun ma nangmi naw ei hlawi ah nami pyen? A cun ah mäih cu kei naw ka yei nak khai ah nami ngai ne ma?

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.