EPHESIAN 4:9 - Cho Bible Common Language 2016

⁹ Tuhbäi, “hang kai ci,” ci cu, a i a pyein hlü ang? Bawipa cu ang neim nak pi bäih ah khomdek ung kyum law ma ci, ciah kyak ci.

EPHESIAN 4:9 Referans Kwoze

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

JOHAN 6:33

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

NG'THU K'THUUK~ 30:4

Ani ung khankho hmuhmat nak lam ung abawi om ne ang? Ngami naw ami kut awn khokhi pha man u ne ang? tui phi pyon awn htun man u ne ang? Khomdek khan ung ng’gii mä tän man u ne ang? Ngami cu a u gui ang, na hmat gui ne ang? Ami hta nau gui cu a u gui ang?

SAM 63:9

Kei na ngawn khai gui ah tha nak ciah chang gui cu sih nak ah kho ah hteit khai gui nei.

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

SAM 8:5

Nang naw chang cu Khanpughi ah mä api hta ng’neim ba khai ah na tüi ci; hlüngtai nak la m’taam khah nak cu na k’bün ci.

ATÜNNAK 11:5

Cun ah chang gui naw ami cawh ah mang gaw la tänghän cu teng khai ah Bawipa cu kyum lawk ci.

HEBRU 2:7

Nang naw chang cu khanchang ah mä apihta ng’neim ba pi khai ah na tüisho ah kyak ci; Nang naw ani cu bäkhäk nak la m’tamkhah nak awn be sak ne,

JOHAN 8:14

Bawipa Jesuh naw, “Kei naw ka mät ah mawng ka saksi cu, ngaih gep ci. A i ah kyasei ci ung, a hawi lam ah kaa law ne, a hawi lam ah hteh ba vai cu kei naw ka hmat ci, Nangmi naw a hawi lam ah kaa law ne, a hawi lam ah hteh ba vai cu kä nami hmat ci.

JOHAN 6:62

Chang ah Htapa cu a om nak htük ah kho ah a hang kai vü ba nami hmuh law ung mä, a i ah nami ngai khai ang?

JOHAN 6:58

Shin ah m’htut cu khankho ah kaa kya lawk ciah kya ne, ei kawn ah sik nak ah kyak ciah, nami pupa gui ah ei ah m’htut awn kä täng ci. Shin ah m’htut ei ciah chang phung cu angtäi ah ghing khai” cine m’thein gui ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

JOHAN 6:41

Bawipa Jesuh naw, “Kei cu khankho ah kaa kya lawk ciah m’htut ah ka kyak ci” cik ci. Cun a cicu chang gui naw ngai khit u netah,

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

SAM 139:15

Ka guh gui cu na pyan sangung, geing na ne ka nu ah puk khui ung k’bum ne na chum ci, kei cu a cun ung adüm hta ah ka däm law yah ung, a cun ung ka om cu nang naw na hmat ci

PHYAWN NAK 19:20

Bawipa cu Sinai m’htung lai ah kyum law ne, Moses cu m’htung lai ah a hang kai vai ah khü ci. Moses hang kai khäta,

EZEKIEL 31:14

Cun ah kyasei tuhbäi ung tün ne, a i sing ghing a i hlawk ah tui gah ci phi cun ah sing ghing güt ah kä ng’ng’shäi ba khai, acun ah hlüng ne khongmei pha ne ng’ng’shäi ne tho cicu kä om ba khai. Cun gui avan cu hnicim chang ah mäih ah ng’ziin ne sik khai gui, sih nak ah khaw ah hteik ci gui ung ng’ziin ne ng’dawn tuk khai gui.