EPHESIAN 4:8 - Cho Bible Common Language 2016

⁸ Cacim theing ung lawk ci cu; “Bawipa cu a hlüng nakpi ah hang kai ne, Thawng kyum chang khli cu kai püi gui ci; Hnicim chang van am m’cümhnah nak, pek ci.”

EPHESIAN 4:8 Referans Kwoze

SAM 68:18

Ani cu ak hlüng nak pi ah hteit ne, akda pha ne hteh püi ci; Ani ng’küknet püi ci gui naw m’cümhnah pek ci gui. Bawipa Khanpughi cu a cu ah om khai nei.

KOLOSE 2:15

Acun ah kutlamtung khan ah Bawi Khrit naw amät cu, Mumcha uknak ah hlüngtai nak la huham nak gui ungka phiawn sak ci.

1 SAMUEL 30:26

David cu Ziklak ah gawk law ba neta, ani naw khawh amshah cu a teih püi gui, Judah ng’vai gui am m’khäh gui ci, thu phi m’shäk gui ci, “Shin cu Bawipa ah ga gui ah ka, kami gah, nangmi ah phäh ah letsawng nei.”

ESTA 2:18

Ghangpughang naw Esther m’tamkhah nak ah mang ei cu akdämduh ah m’hnüt neta, a bawi gui la a uktu gui avan khü gui ci. Ani naw a uktu khaw avan ung ng’shäu ne, ng’chin nak ah hnüüp cu k’bäi neta, ghangpughang awn khin kha ciah m’cümhnah nak phi pek ci.

SUKI GUI 5:12

Ma tawn ä, Deborah, ma tawn ä! Ma tawn ä! Ng’äi m’cu ä! Ma tawn ä! Matäng ah hteit ä, Abinoam ah hta Barak aw, na chang pha gui a hei ah hteh püi güi ä!

NG'THU K'THUUK~ 30:4

Ani ung khankho hmuhmat nak lam ung abawi om ne ang? Ngami naw ami kut awn khokhi pha man u ne ang? tui phi pyon awn htun man u ne ang? Khomdek khan ung ng’gii mä tän man u ne ang? Ngami cu a u gui ang, na hmat gui ne ang? Ami hta nau gui cu a u gui ang?

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.