EPHESIAN 4:6 - Cho Bible Common Language 2016

⁶ Hnicim chang avan ah Pa, Khanpughi tumat bäng om ci, Ani cu ang tü a van ah Bawipa, van ung bi bi ne, van ung om ci.

EPHESIAN 4:6 Referans Kwoze

ROMAN 11:36

Ang tüi avan cu Bawipa ah tüi sho ah kyak ci. Ang tüi avan cu ani awn ghing ne, ani ah hmawk ah om ci gui. Khanpughi ah bämang nak cu angtäi sei cüi vai sä! Amen.

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

1 JOHAN 3:24

Khanpughi ah thukhän läk ciah chang cu Khanpughi ung ghing ci, Khanpughi phi ani ung ghing ci. Mikmi awn kawng ät ne Khanpughi a ghin ah mawng cu Khanpughi ah nam shumphyuk gui ah Mumcha awn mi hmat ci.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

1 KORIN 12:6

Khuut bi nak vai k’thagui a hlü hlü a om ung phi, chang a phäh phäh am, thagui a hlü hlü pek cicu Khanpughi tumat bäng ah kyak ci.

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

EPHESIAN 6:23

Pa Khanpughi la Bawipa Jesuh Khrit naw khritha phäi nau nami van am, dimdeeih nak, la yum nak awn m’hni nak cu ning pe gui sä.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

EPHESIAN 2:22

Nangmi cun phi, Bawi Khrit ung kawng ät nak awn, chang khui hei gui awn a täng ah cawhkyan nak nami gah pyi ci kya ne, Mumcha awn Khanpughi ah om nak ah hmun ah nami kya lawk ci.

JOHAN 17:26

Nang ah na peit ah m’hni nak cu ngami ung a om vai la kei cu ngami ah m’lung kyong ung ka om vai ah, nang ah na mawng cu ngami-am ka hmat sak gui pyi ci, a ngawi ah phi ka hmat sak ba gui lä khai nei” cik ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

EPHESIAN 1:21

Bawi Khrit naw cun ah kho ah khankho uk ci gui, huham mah gui, hlüngtai ci gui, la bawi gui cu uk gui ci. Ani ah ming cu tuhbäi la lawk khai ah khin ung huham ah ci gui phung ah küikyang pi ci.

THULÄÄN NAK 6:4

“Israel gui, shin cu shüm ba vä. Bawipa amät bäng cu mikmi ah Khanpughi nei.