EPHESIAN 4:30 - Cho Bible Common Language 2016

³⁰ Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

EPHESIAN 4:30 Referans Kwoze

1 THESSALONIAN 5:19

Mumcha Theing cu kä nami ng’yom sak vai,

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

ATÜNNAK 6:6

Khomdek khan ung chang tüisho ne a tha ah phäh ah a yä ba ci.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

ROMAN 8:23

A tüi pyan ah khomdek khan bäng ah kä kyak ciah, Khanpughi naw ak htük bäih ah a peit ah Mumcha gah ciah mikmi cun phi, Khanpughi ah hta ah kyak nak vai la, mi pumsa avan hun nak a gah nak vai cu, mi ging ne mi geinvai ci.

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

ISAIAH 43:24

Kei ah hmawk ah ang ui kä nami hleih man ci, nami khisa ah a thau awn kä na mi na büh bei sak man ci. Cun nak vaisü ung nami katnak awn nami na gihgaw sak ci, nami cheishoh nak nami na phuih kawh sak ci.

SAM 78:40

Ngami naw ani cu bungpuk ah ashäng shäng hnu ng’tuk püi ci gui; akda vei m’thüi ci gui!

ATÜNNAK 6:3

Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.

ISAIAH 7:13

Ani am Isaiah naw, “Ngai vä, tuhbäi, David ghangpughang ah hta ng’shon gui. Chang gui naw ami ning chum vai ah na kyak cu she aih ci nei — khanpughi naw phi aning chum vai ah na kyak khai ma?

EZEKIEL 16:43

Nang nah maw yah ung ai cha ah ka ning om püi man cu nang naw na m’hnih ci, na bilawh gui avan awn kei cu na na m’lungshe sak ci. Cun ah kyasei, cun gui avan name sah vai ah kei naw ka ning bi gui ah kyak ci. Nang naw shemshai ci gui avan na bi kawn ah a i ah kyasei ng’zawpawm shetkat nak awn na m’khah ba ang?” Uktu Bawipa naw a pyen nei.

SAM 95:10

Kho kum phli kip ung cun ah chang gui naw na m’shemshai ci gui nei. Kei naw, ‘Ngami cu kä bekhüt aih ci gui nei! Ngami naw kei ah thumkhän cu kä läk hlük ci gui nei.’

HEBRU 3:10

Cun ah kyasei, kei cu ngami ah khan ah m’lung she netah, ‘Ngahmi cu angtäi sei pyai ba ci gui, Ka thukhän phi kä läk hlük ci gui, cine pyein ci.’

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

HEBRU 3:17

Khokum phli-kip ung Khanpughi naw am lung she nak gui cu a u gui ang? Cheishoh nak bi ne pui kiang ma ah kyu ne sik ci gui ah kiak ci nei.

1 KORIN 15:54

Thuka thei cicu kä thuka thei ciah phi bäi, si thei cicu kä si thei ciah phi bäi, ang thon kawn ah, “Sih nak cu m’shiu ne m’di pyi nei, khütnäng nak cu kümbe pyi ci nei” ciah cacim cu akcang ah khüm khai.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

LUKA 21:28

Acun gui tün ne agawk law ung, Khanpughi naw a ning hun nak gui vai ng’et lawk ci kyasei, täu law ne, ng’düi law ne nami na dan vai” cine m’cäi gui ci.

JOHAN 3:33

Ani ah ng’thu dou ciah chang naw Khanpughi cu düng nak ah a kiak ah mawng dang sak ci.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.