EPHESIAN 4:28 - Cho Bible Common Language 2016

²⁸ M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

EPHESIAN 4:28 Referans Kwoze

1 TIMOTHI 6:18

Ak ni ami bilawh vai, ni kyom nak ung ami plümshau vai, ami khaailaang vai, la chang am ami peiktaak thei vai ah nam cäi gui vai nei.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

PHYAWN NAK 20:15

“Kä na m’guuk vai.

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

JOHAN 12:6

Ani naw acun ah a pyein cu, pyamthaam ci gui am gein gui su ah kä kyak ci, m’gu man te ci kya netah acun ah a pyein ah kyak ci. Ani cu ngui ng’ip k’bah ci kya ne ngui m’gu ne mang ci ci.

LUKA 19:8

Zakhaeus cu ng’düi law netah, Bawipa Jesuh-am “Bawipa, kei ah ka khawh cu a teih k’pai ne ghawipyam ci gui-am ka pek khai nei. Kei naw chang ah ngui kä düng ciah ka lak a om ung phi, a cun ah ngui ah ak phli ah ka pe ba khai nei” cik ci.

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

PHYAWN NAK 20:17

Chang ah im, chang chu, chang ah changshäm, chang ah seime la a i pang phi chang ah kaa, kä na ng’yak hlü düt vai.

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

2 KORIN 8:2

Ngahmi cu yaica nak ak nui ah aut ci gui. Cun ung phi ang htei ah yeikyai u ne, ang htei ah ami pyamthaam pang ung phi, peit taak nak ung, ng’khailang aih ci gui.

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

JOHAN 13:29

Judas cu ngui ip shäm ne ngui khäm ciah kyasei, pawi ung kaa vai a i bawi khleih vai, kä cun ung, pyamthaam ci-am peit taak vai ah Bawipa Jesuh naw täk ciah amshah naw ngai ci gui.

LUKA 3:8

Kat nak ungka phiawn vai ah ng’yu ba yawp vä, Abraham cu kami pughi cine kä khähghah vä, Khanpughi naw lung gui phi la ne Abraham ah ng’shon ah pyang hning ci nei.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

NG'THU K'THUUK~ 14:23

Bii bi na na hnun na m’ghin vai, ngo ne ng’htau ne na om dut ung na pyam khai.

NG'THU K'THUUK~ 13:11

Ayäi ah na gah ah na khawhcham cu ang ghit ah maih ba khai. K’tha na ne na shui yap ung akdäm pi na gah khai.

JOB 34:32

Na chei nak gui aning m’hnuh vai ah Khanpughi ah na ng’yoi thäh ne ang? Ashe kä na bi ba vai ah nang ung yum nak om ne ang?

PHYAWN NAK 21:16

“Chang m’gu neta yoi ci, kä cung khleihtein ah hmoh ciah chang cu amät ngawn vai.

NG'THU K'THUUK~ 21:26

Ami bi gui avan cu ami mät ah bi hlü ah ami bi ah kyak ci. Düng ciah chang naw ai ah a kyak ung phi pe hning ci, kä ng’vang ne pek ci.

NG'THU K'THUUK~ 31:20

Ani cu dukhaih ci gui la ng’ya hlük ci gui ah ma ah ng’khailang ci.

1 KORIN 4:12

Keimi cu k’thagui na sei kami bilo ci. K’shedam nak kami gah ung hrilham kami pek ci; dukdeiu nak kami gah ung, kami hniimgei ci;

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

TITUS 3:14

Mi chang gui naw sui ei vai ng’yak hlü gah nak vai ah, ak ni bi nak ung akhin cu mang thei vai ah, ng’thei sak gui ä. Ngami cu akholä düt ah kä ghing om men u sä.