EPHESIAN 4:26 - Cho Bible Common Language 2016

²⁶ Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

EPHESIAN 4:26 Referans Kwoze

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

SAM 4:4

Ng’hlet ne kyi ne, cheishoh nak ung düm vä; A düm ah ng’zän ne nami ih nak ung, a cun ah mawng cu ak thuuk ah ngai vä.

SAM 37:8

Kä na mi ng’ä ng’ai vai, kä nami m’lung she vai, ng’ä ai m’lung she nak cu, khüikha nak ah kyak ci.

THUSHÄUTU 7:9

Nami m’lung nami k’üüp vai; ng’u hneit nak cu guktaak nak ah kyak ci.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

KHEI NAK 20:24

“Israel chang gui am ka pek vai ah ka shaitak nak khaw ung Aaron cu kä lut tuk khai; ani cu si lawk khai, a i ah kyasei ci ung nangni naw Meribah ung ka thumkhän cu nani na hnu ng’tuk püi ci.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

NG'THU K'THUUK~ 25:23

Siip khokhi naw kho k’aa a law püi ah mäiha ah chang pyensak nak naw m’lungshe nak law püi ci.

PHYAWN NAK 11:8

Moses naw khüm nak ah ng’thu a pyen cu, ‘Na bawi gui ami van cu ka ma ah law ne kawp lawk khai gui, ka chang gui avan la ne ka hteh püi gui vai ah ngami naw na ng’paa law nak khai gui. Cun kawn ah kei cu ka hteit tuk khai” cik ci. Cun kawn ah Moses cu m’lungshe ne ghangpughang cu hteh tak ci.

THULÄÄN NAK 24:15

A hnüüp tä khaw hni kä a hang kyak pha ung, a cu hnüüp a bi ah phäh nami pek vai; ani cu ngai ng’ya hlük ci kya ne a gah vai cu khei ge ci. Nang naw kä na pek ah a kyak ung, ani cu nang ning hnu tuk püi ne, Bawipa ah kyap khai, cun ung nang cu katnak na bik ciah kyak khai.

JAMES 1:20

Chang ah m’lung she nak naw, Khanpughi ah düng nak kä m’düng thei ci.

1 SAMUEL 20:34

Jonathan cu Tawnglang ung ka nget ne ng’düi law ba ci, a i phi kä ei tuk ci, cun cu cha Thai pawi a hnüüp goi nak ah kyak ci. Ani cu David ah phäh ah ang htei ah cümbawng ci, a i ah kyasei ci ung Saul naw a yawshe nak ah phäh ah kyak ci.