EPHESIAN 4:25 - Cho Bible Common Language 2016

²⁵ Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

EPHESIAN 4:25 Referans Kwoze

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

ZEKHARIAH 8:16

Nangmi naw nami bi gui vai cu: tumat la tumat k’cang nak ng’thu nami pyen vai. Yung ah m’kawt ung phi düng ciah nami bi vai, acun naw dimdeeih nak law püi ci.

NG'THU K'THUUK~ 12:22

Bawipa naw hleei cicu thüi nak ci, cun ung phi ang thu khäm cicu yei nak ci.

ROMAN 12:5

Acun ah mäih ah mikmi cu mi da ung phi, Bawi Khrit ung mi kawng ät nak awn pumsa tumat ah mi kyak ci, Mikmi cu ng’phyeek ng’pai ciah pumsa tumat ah mäih ah mi ng’khih ng’kaih yawp ci.

EPHESIAN 4:15

Mikmi cu m’hni nak ah m’lung htek ung, thu thuuk mi pyein nak awn, chunglu ah kyak ciah Bawi Khrit ung ng’phaa vai ah, a mawng alam avan ung mi hlüngtai tuk khai nei.

NG'THU K'THUUK~ 12:17

Düng ci na pyen ung taga sei nabi ah kyak ci, hleeihlak nak naw kä taga nak gawk sak ci.

NG'THU K'THUUK~ 8:7

Kei ah ka pyen phung cu ng’düng ci nei. Hleeihlak cu kei naw ka thüi nak ci.

NG'THU K'THUUK~ 12:19

Hleeihlak cicu a ghin nak tawi ci, ng’düng ciah ghin nak cu khong län ung om ci.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

TAIGÜTHUM 19:11

Kä m’guuk vai, kä thuvi vai, kä hleei vai.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

1 TIMOTHI 1:10

Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.

2 KORIN 7:14

Kei naw nangmi ah mawng, Ani ah ma ah khähghah ne kam thein te ci, acun cu nangmi naw dang khai ah nami bi ah kyak ci. Keimi naw nangmi ah maa ah düng ciah thu bä ka mi pyein ci, Titus ah maah khähghah ne kami pyein cun phi akcang ah kya pyi ci nei.

TITUS 1:12

Cretan chang ami mät ah profet tumat naw, “Cretan chang gui cu angtäi sei hleeihlak ci gui, ngetngawng m’ghämce ci gui, damduh ci gui,” nei cine pyein ci. Cun ah kyasei ak ghaat ah nami m’cäi gui vai, cun ung ami yum nak khänghtek lawk khai.

1 KORIN 10:17

M’Htut pum ät bäng om ci, mikmi cu mi da pang ung phi, cun ah m’htut pum ät cu mi ng’pai ci kya sei pumsa tumat ah mi kyak ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

ZEKHARIAH 8:19

“Acha phli nak, a cha hma nak, a cha chih nak la a cha gha nak ung ei hlawinak cu Judah chang gui ah hmawk ah yeikyai nak, hüithaw nak ah mang pawi ah kyak khai nei. Nangmi naw ng’düng nak la dimdeeih nak nami m’hni vai nei.”

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

NG'THU K'THUUK~ 21:6

Kä düng nak awn na gah ah bühmang nak cu angghit ah maih ba khai. Acun naw sih nak ah m’kawt ung ning hteh püi khai.

SAM 119:29

Lam she ung hteh nak ungka na m’hlat ba ne, na ni nak ung na thukhän cu na m’thei ä.

SAM 52:3

Nang cu akni ah ta, akshe na m’hni pi ci, düng nak ah ta, hleei nak na m’hni pi ci.

EPHESIAN 5:30

mikmi cu apumsa ah ang phyeekpaai gui ah mi kyak ci.)

1 GHANGPUGHANG GUI 13:18

Bethela ah ka prophet naw pyen ah ne, “Kei phi nang ah mäih ah prophet nei, Bawipa ah thumkhän ung khanchang naw ana pyen nak cu, nang cu ka im ah ka mät awn a täng ah ning hteh püi ne ka ning khincha nak vai ah kyak ci” cik ci. Cun ung phi prophet ghipa cu a hleei ah kyak ci.

PHYAWN NAK 23:7

Kä düng ci kä na bi vai. Chang cu sih nak ung kä na shum vai. Kei naw cun ah mäih ah ak she bik ci phung cu ka m’kyuk khai.

SAM 15:2

Cun cu, avan cung Khanpughi ngai ne, angtäi sei düng nak bik ne, ang’thu cu düng ne, ng’awi gi sei,

NG'THU K'THUUK~ 24:28

Cang nak ah amawng kä om ciah chang tumat hnungtuk püi ne, kä na saksi vai, ani ah mawng kä akni ah kä na pyen vai.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

KOLOSE 3:8

Tuhbäi nangmi naw m’lungshe nak, beishet nak la thüigen nak ah amawng gui cu avan nami phiawn nak vai. Ashekha la amsheshai cu nami m’gawng m’lei ung kä lut-en law sä.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

SUKI GUI 16:11

Ani naw, “Ka bi en man ah gui akthai awn ami na khih ah a kyak ung kei phi chang a hei gui ah mäih ah ka k’tha ken khai nei” cik ci.