EPHESIAN 4:24 - Cho Bible Common Language 2016

²⁴ Nangmi cu chang thai ah nami kyak vai nei, cun cu Khanpughi naw a müi ah a tüisho la ghin nak akcang ah ang dang sak ah düngdau ci la theingcim ciah kyak ci nei.

EPHESIAN 4:24 Referans Kwoze

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

EPHESIAN 6:11

Khoshe ah thuvi tüihtok nak näng m’khüt nak vai ah, Khanpughi ah ning peik gui ah likhim k’be cu nami awi k’bah vai nei.

ROMAN 6:4

Cun ah kya sei mikmi cu tui hnim nak awn Bawi Khrit awn a täng ah mi ng’phuh ne, ani awn a täng ah mi sik ci. Cun ah ani awn a täng ah mi sih ah mawng cu, Pa Khanpughi naw abäkhäk hlüngtai nak awn Bawi Khrit cu sih nak ungka a thawh ba sak ah mäih ah, mikmi cu ghin nak thai ung mi om vai ah hmawk ah kyak ci.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

JOHAN 17:17

Nang ah hmawk ah ngami cu düng nak awn khoi ne om sak gui ä, Nang ah thu cu düng ci.

KALATIAN 6:15

Chang tumat vun ah vai la kä ah vai cu ak tung ah kä kyak ci, ak thai ah ang tüi vai cu ak tung ah kyak ci.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

1 KORIN 15:53

Thuka thei cicu kä thuka thei ciah ng’thong khai; si thei cicu kä si hlawt ciah ng’thong khai.

JOB 29:14

Kei cu angtäi sei taga khai a, theing khai ah ka hnüntho ci.

EPHESIAN 2:15

Cun kawn ah Jew chang gui ah thukhän shaitaak gui cu nawng-en ne, Jew chang gui la chang khui hei gui cu, amät ung kawng ät sak gui ne, pakhui thai ah kyak sak gui ci. Acucha ah dimdeeih nak cu a peit gui ah kyak ci.

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

HEBRU 1:8

Cun ung phi A Htapa ah mawng a pyein nak läi ung Khanpughi naw, “O Khanpughi, na uknak ah kho cu, ang täi sei khäng khai nei! Nang naw na chang gui cu ng’müi khai ah Na uk gui ci nei.

ATÜNNAK 5:1

Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

LUKA 1:75

Cun ah kyasei mikmi cu theingcim nak la düng nak awn Khanpughi ah ma ah mi ghin nak chuih mi om khai.

ROMAN 7:6

Yanä na khitpawng gui man ciah thukhän cu mi sih püi pyi ci kya sei, tuk bäi mikmi naw thukhän cu mi phyawn ah pyi ci nei. Tuk bäi mikmi cu gu ne pyan ah thukhän lam k’phyim awn kä kyak ciah, Mumcha ah pyan ah lam k’thai awn Khanpughi ah khuut cu mi bik ci nei.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

2 PETER 1:4

Acun ah ang htei ah hlüngtai ci la küikyang ciah m’shumphyuk shaitaak cu na pe gui ci. Cun ah m’shumphyuk nak awn nang mi cu, khomdek khan ah shetkat dimaih nak cu phiawn nah u ne, Khanpughi ung nami ng’yung tu ba ci.