EPHESIAN 4:21 - Cho Bible Common Language 2016

²¹ Bawipa ah mawng cu akcang ah nami ng’ya pyi ci nei. A hnu läk ciah ak chang gui nangmi naw Bawi Jesuh ung Thu thuuk ah mawng cu nami theithang pyi ci nei.

EPHESIAN 4:21 Referans Kwoze

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

EPHESIAN 1:13

Nangmi changpakhui hei gui cun phi, hun nak ah mawng, Thu Ni ah kyak ciah, düng ciah Thu cu ngai ng’ya tu u ne, Khanpughi ah chang ah nami kya lawk ci. Nangmi naw Bawi Khrit nami yum lawk ci, cun ah kyasei, Khanpughi naw a shaitaak ah mäih ah Mumcha Theing cu ning m’shumphyuk gui ne, amät ah chang ah ning tüi m’hnüt gui ci.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

JOHAN 14:17

Khomdek chang gui naw cun ah Mumcha Theing cu kä hmuhmat man ci gui kya ne kä yum hlawt ci gui. Cun ung phi ani cu nangmi awn a täng ah om ne, nangmi ung om ci kyasei nami hmat ci.

2 KORIN 11:10

Cun ah kei ah khähghah nak cu, Achaia kho avan ung a u naw k’üüp ne kä m’khüt khai cicu kei ung om ciah Bawi Khrih ah ng’düng nak awn shai ka tak ci nei.

2 KORIN 1:20

Khanpughi ah shaitaak avan cang ah m’dang ciah kyak ci. Cun ah kyasei Khanpughi ah bämang nak ang dang vai ah, Bawi Jesuh Khrih ung “Amen” mi ciah kyak ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

SAM 45:4

Düng nak la taga nak ah shung hmawk ah näng vai ah m’gäi nak ung ng’cum ne hteit ä. Na thagui naw ak kuikyang ah ning näng sak khai nei.

ROMAN 10:14

Cun ung phi ngami naw kä ami yum ung a i chaa khü ne ng’yoi khai gui ang! Thu pyein kä a mi ng’yak ung, a i chaa yum khai gui ang! Thu ng’shäu ne pyein ci kä a om ung, a i chaa ng’yak khai gui ang!

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

KOLOSE 1:5

Thudüng, thuni a gawk law htük yah ung ng’shut lawk ciah ngaih u nak cu nami ng’ya pyi ci nei. Cun ah kyasei nami yum nak la nami m’hni nak cu khankho ah gim ah ngaih u nak ung ng’yung ci nei.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.