EPHESIAN 4:15 - Cho Bible Common Language 2016

¹⁵ Mikmi cu m’hni nak ah m’lung htek ung, thu thuuk mi pyein nak awn, chunglu ah kyak ciah Bawi Khrit ung ng’phaa vai ah, a mawng alam avan ung mi hlüngtai tuk khai nei.

EPHESIAN 4:15 Referans Kwoze

1 JOHAN 3:18

Ka hta nau gui aw, mikmi ah m’hni nak cu thu la m’gawng düt ah kä kya ne, hnün thawh nak ung dang ciah m’hni nak akcang ah kyak vai nei.

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

ZEKHARIAH 8:16

Nangmi naw nami bi gui vai cu: tumat la tumat k’cang nak ng’thu nami pyen vai. Yung ah m’kawt ung phi düng ciah nami bi vai, acun naw dimdeeih nak law püi ci.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

EPHESIAN 2:21

Ani naw cun ah imlo cu shum ne han chang sei, cun cu Bawipa-am ap ah bum im theing ah kya lawk ci.

EPHESIAN 1:22

Khanpughi naw ang nüng nüng cu Bawi Khrit ah khaw ka ah chah ne, khrithabum ung phi avan ah chunglu Bawipa ah ngoh sak ci.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

EPHESIAN 5:23

Krihtabum ah khan ah Bawi Khrit ah huham a om ah mäih ah ak chu ah khan ah a cei ah huham om ci nei. Bawi Khrit cu amät ah pumsa ah kyak ciah Krihtabum ah Hunbawipa ah kyak ci.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

SAM 32:2

Bawipa ah m’kat nak ah hma nak kä om ne, m’thüi m’khang nak ung am hlawt ah chang cu yeikyai nak om ci.

SUKI GUI 16:15

Cun ah kyasei hnumi naw ani am, “A i hawkcha ah kä nam hni lang ne, na na m’hni ciah na pyen ang? Nang naw thum vei akgu ah na na pyang ci, tuhgüt a i naw thamah nak a ning pek cu kä na na m’thein ci” cik ci.

2 KORIN 8:8

Shin cu ka ning khänkhi gui ah kä kyak ci. Chang gui ah peittaak m’hteintang nak ah mawng ka ning m’thein gui cu nangmi ah m’hni nak akcang, ah hmat vai ah phäh ah kyak ci.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

1 KORIN 11:3

Kei naw ka ning hmat sak gui hlü cu, pami avan cu Bawi Khrih naw uk ci, ak chu cu a cei naw uk ci, Bawi Khrih cu Khanpughi naw uk ci, ciah kyak ci.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.