Biblia Todo Logo
Bib sou entènèt

- Piblisite -




EPHESIAN 4:11 - Cho Bible Common Language 2016

11 Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

Gade chapit la Kopi




EPHESIAN 4:11
19 Referans Kwoze  

Kei naw, kei ah thu ngai ciah uktu ka ning pe gui khai, ngami naw cüivai nak la hmuhmat nak awn uk khai gui.


Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.


Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.


Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.


Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.


Cacim theing ung lawk ci cu; “Bawipa cu a hlüng nakpi ah hang kai ne, Thawng kyum chang khli cu kai püi gui ci; Hnicim chang van am m’cümhnah nak, pek ci.”


Cäu läi Khanpughi naw thuuk ciah a mawng cu chang ah hta-am kä m’thein man ci, cun ung phi tuhbäi theingcim ciah ang düihpüi gui la purofet gui-am, Mumcha awn m’thein gui ci nei.


Mikmi ah gah m’gein nak cu, chang gui m’theithang nak gui vai a kyak ung mi m’theithang gui khai.


Khawkum akshou ung Israel gui cu Khanpughi akcang awn kä om u ne, m’theithang gui khai taigü gui phi kä om sei, thukhän phi kä om sei om ci gui.


Nangmi cu nami m’theithang thei khai ah a khin ah kya law pyi ci, cun ung phi nangmi cu Khanpughi ah thu ak tün nak ung tün ne, chang naw a ning theithang gui vai hlü ba laih laih ci nei. Nangmi cu buh nami ei vai khin law sei phi suuktui laih laih nami awk ci nei.


Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.


A ngawi ung düi law ne hteit ba u ne, Sisaria ah kami gawk ci. A cu ah Thu Ni pyein ciah Philip ah kami kai ci. Ani cu ang düih püi gui bi bi püi gui khai ah Jerusalem khritahbum naw chang sing chih ami ghü nak ungka tumat ah kya ci.


Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.


Mang gaw k’chaam nak ung lung k’tung gha-lei-goi ng’ling ci gui. Cun ah lung k’tung gha-lei-goi ung Htomehta ah ng’düihpüi gha-lei-goi ah ming gui cu guk ah kyak ci.


Teihpüi gui aw, Mi Bawipa Jesuh Khrit ah ang düihpüi gui naw ami ning m’thein m’kan gui cu shüm tu ba vä.


Mumcha m’cümhnah nak a hlü hlü om ci, cun ung phi cun gui avan cu Mumcha tumat bäng naw pek ci.


Swiv nou:

Piblisite


Piblisite