EPHESIAN 3:19 - Cho Bible Common Language 2016

¹⁹ Ani ah m’hni nak cu nami hmat lawk khai, cun ung phi kümbe khai ah a i yah ung phi kä nami hmat hlawt khai — cun ah kiasei Khanpughi ung yungpyaa ne khänghtek vai ah ng’hläm ne nami ngaih gep vai nei.

EPHESIAN 3:19 Referans Kwoze

EPHESIAN 1:23

Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

JOHAN 1:16

Ani cu m’geinsei nak awn kümbe ne, chang van tumat täi-am m’shumphyuk nak na pe gui ci.

PHILIPPIAN 4:7

Cun ah nami bi ung, hnicim chang naw ngaitüh ne kä k’phaa ah Khanpughi ah dimdeeih nak naw, Bawi Khrit Jesuh ung nami kawng ät nak awn, nami m’lung la nami ngaih avan cu ning m’htei gui khai nei.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

EPHESIAN 3:18

Cun ung nangmi cu Khanpughi ah chang gui awn a täng ah, Bawi Krih ah m’hni nak cu a i hlawk ah ayun, akdang, alu, alawng kiak ci cicu nami hmat lawk khai.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

EPHESIAN 5:25

Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

ROMAN 8:35

Cun ah kya sei a u naw mikmi cu Bawi Khrit ah m’hni nak awn nam chaa gui hlawt khai ang! Zaica nak, cümbawng nak, k’dukdeiu nak, cawigha nak, pyamthaam nak, gaa kyih nak la sih nak; cun gui naw Bawipa ah m’hni nak awn nam chaa gui hlawt khai maa!

ROMAN 8:39

m’dek ah khan ah phi kya, m’dek ah kaa ah phi kya, kho ah kaa ung a tüi sho avan naw phi kya; a i naw phi mi Bawipa Jesuh Khrit awn Khanpughi naw ana peit gui ah m’hni nak awn kä nam chaa gui hlawt khai, cicu kei naw akcang ah ka hmat ci nei.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.