EPHESIAN 3:18 - Cho Bible Common Language 2016

¹⁸ Cun ung nangmi cu Khanpughi ah chang gui awn a täng ah, Bawi Krih ah m’hni nak cu a i hlawk ah ayun, akdang, alu, alawng kiak ci cicu nami hmat lawk khai.

EPHESIAN 3:18 Referans Kwoze

JOHAN 15:13

A paw chang ah hmawk ah a ghin nak pe ne m’hni ciah, m’hni nak ah kawn ah, däm pi ciah m’hni nak kä om ba ci.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

EPHESIAN 3:19

Ani ah m’hni nak cu nami hmat lawk khai, cun ung phi kümbe khai ah a i yah ung phi kä nami hmat hlawt khai — cun ah kiasei Khanpughi ung yungpyaa ne khänghtek vai ah ng’hläm ne nami ngaih gep vai nei.

ISAIAH 55:9

Khankho cu khomdek ah a hlüngpi ah mäih ah, kei ah ka lam la ka ngaih-tüh gui cu nangmi ah ta hlüng pi ci.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

EPHESIAN 1:15

Cun ah kyasei Bawi Jesuh nami yum ah manwg la Khanpughi ah chang gui nami m’hni ah mawng ng’ya netah,

SAM 145:10

Bawipa, na tüipyan avan naw ning m’tam khai nei, Na chang gui van naw ning yei nak khai gui nei.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

SAM 139:6

Na hmuhmat nak cu kei ah hmawk ah thuuk aih ci nei; kei naw kä ka hmat hlawt ci nei.

KOLOSE 1:4

Bawi Khrit ung nami yum nak ah mawng la Khanpughi ah chang avan nami m’hni nak ah mawng cu, kami ng’yak ci nei.

ROMAN 10:3

Ngami naw, Khanpughi naw chang gui ang düng sak nak gui ah lam cu kä hmu u netah, cun ah lam ung kä hteh ah, ami mät naw k’tha na ne ami pyan ah lam ung hteit ci gui.

SAM 132:9

Na taigüpa gui naw angtäi sei düng nak cu bi u sä; Na chang gui cu yei ne m’lau u sä!

2 SHONTÄP NAK 6:41

Bawipa Khanpughi, tuhbäi ng’düi law ä, na huham ah kyak ciah Thukhän M’küm awn Taigüim ung lut ne, shin ung khonglän ung om ä. Na taigü gui ah ami bi avan cu hriham pe gui ä. Ngami ah khan ah nang ah na bä nak ah phäh ah na chang gui avan cu yeikyai khai gui nei.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

2 KORIN 13:13

Bawipa Jesuh Khrit ah m’gein sei nak, Khanpughi ah m’hni yum nak la Mumcha Theing ung pui m’ca nak cu, nami van ah khan ah om sä.

ZEKHARIAH 14:5

Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.

SAM 116:15

A chang tumat a sih cu Bawipa ah hmawk ah m’neh aih vai ah kyak ci nei!