EPHESIAN 3:17 - Cho Bible Common Language 2016

¹⁷ Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

EPHESIAN 3:17 Referans Kwoze

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

1 JOHAN 4:16

Khanpughi naw anam hni nak gui cu mi mät naw mi hmat ne mi yum ci. Khanpughi cu m’hni nak ah kyak ci, m’hni nak ung om ci cu Khanpughi ung om ciah kyak ci, Khanpughi phi ani ung om ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

JOHAN 14:17

Khomdek chang gui naw cun ah Mumcha Theing cu kä hmuhmat man ci gui kya ne kä yum hlawt ci gui. Cun ung phi ani cu nangmi awn a täng ah om ne, nangmi ung om ci kyasei nami hmat ci.

LUKA 6:48

Kho khi ne aa sei tuinu ang güüt law ung phi cun ah im cu khäng khai ah cawh ah kya ne, kä ng’gäi hlawt ci.

MATTHE 13:6

Ng’lih pyo pang ne phi, m’dek ng’pam ci kya ne, kho naw a so law ung kä pya hlawt ne si ba yawp ci.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

JOHAN 6:56

Ka sa ei ne ka si awk cicu kei ung om ci, kei phi ani ung ka om ci.

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

1 KORIN 3:6

Kei naw m’shi ka geit ci, Apollos naw tui shawi ci, cun ung phi ng’lih pyo sak cicu Khanpughi ah kyak ci.

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.