EPHESIAN 3:16 - Cho Bible Common Language 2016

¹⁶ Khanpughi cu bämang ci kyasei, nami m’lung kyong a khüighaat vai ah, ang Mumcha awn hlüngtai nak a ning peit gui vai ah, kei cu ka taigü ci nei.

EPHESIAN 3:16 Referans Kwoze

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

PHILIPPIAN 4:19

Cun ah kya sei kei ah ka Khanpughi cu bühmang nak la bäkhäk nak awn kümbe ciah kya ne, nangmi am Bawi Khrit Jesuh awn, nami ng’yak hlü avan cu ning pe gui khai nei.

SAM 28:8

Bawipa naw ak chang gui cu k’tha pe gui ne; a ghü ah ghangpughang cu khüighat sak ne hun ci.

ROMAN 7:22

Khanpughi ah thukhän cu kei ah m’lung kyong naw yeikyai ne dou ci.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

SAM 138:3

Kei naw ka ning khü ung nang naw na na m’shang ci; Na tha gui awn thagui na na k’be ci.

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

1 PETER 3:4

nami m’lung kyong ung akcang ah ng’awi ng’gi nak la hniphnoi nak cu om sä, cun cu Khanpughi ah ma ah ak küikyang ah kyak ci nei.

EPHESIAN 2:7

Cun ah a bi ah mawng cu, mikmi-am am hni nak cu Bawi Khrit awn am dang nak ung, ani ah am gein nak a i hlawk ah adäm ah mawng cu, ngawi yä chang gui naw ami hmat vai ah hmawk ah kyak ci.

ROMAN 2:29

Jew chang akcang läi cu am lung kyong ah vun-ah nak bi pyi ciah chang ah kyak ci nei. Cun ah chang Jew chang ah kyak sak cicu gu ne tai ah thukhän ah kä kyak ci, Khanpughi ah Mumcha naw vah chang cu am lung kyong ung Jew chang ah kyak sak ci. Ani cu chang ah m’hlüngtai nak gah ciah kä kyak ci, Khanpughi ah m’hlüngtai nak gah ciah kyak ci.

JOB 23:6

Khanpughi naw kei ana hnungtuk nak vai ah akthagui avan mang khai ma? Ka nei, kei naw ka pyen cu ani naw ngai khai nei.

EPHESIAN 3:15

Ani cu Khankho la khomdek ung kyongkhui mah phung avan naw ming akcang ami gah nak ah kyak ci.

KOLOSE 2:2

Kei naw shin ka bi cu, ngami ami k’tha abe nak vai la m’hni nak ung ami m’lung ngaih a ät nak vai ah kyak ci. Cun ah kyasei ngami cu akcang ah lunglang nak law püi ciah bümbe ciah ngaih gep nak cu gah ci gui. Ashin ah lam awn ngami naw Khanpughi naw am yih ah Bawi Khrit amät cu hmat ci gui.