EPHESIAN 3:10 - Cho Bible Common Language 2016

¹⁰ Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

EPHESIAN 3:10 Referans Kwoze

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

EPHESIAN 6:12

Mikmi cu hnicim cang awn ng’tuk mi bik ciah kä kyak ci, khankho ah om ciah mümcha she gui la shin ah kho hmüp nak kho ung, uk ci gui, huham mah gui, la hlüngtai nak om ci gui awn ng’küükneet ne ng’tuk mi bik ciah kyak ci.

1 KORIN 2:7

Kei naw ka ng’shäu ah Khanpughi ah ng’cim ciah cüivai nak cu, hnicim chang ah maa ah ng’yih ciah cüivai nak ah kyak ci. Cun cu khodek kä a tüisho pha ung mikmi ah bämang nak vai ah a güi pyi ah kyak ci.

ROMAN 11:33

Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!

EPHESIAN 1:21

Bawi Khrit naw cun ah kho ah khankho uk ci gui, huham mah gui, hlüngtai ci gui, la bawi gui cu uk gui ci. Ani ah ming cu tuhbäi la lawk khai ah khin ung huham ah ci gui phung ah küikyang pi ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

1 KORIN 1:24

Cun ung phi Jew chang phi bäi, khui hei chang phi bäi, Khanpughi naw a khüpi ah chang phung ah hmawk ah Bawi Khrih cu Khanpughi ah hlüngtai nak la k’cüikhai nak ah kyak ci.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

KOLOSE 1:16

Ani awn Khanpughi naw, khankho la khomdek ung om ciah ang tüi avan, hmuh thei la kä hmuh thei, mümcha hlüngtai nak gui, bawi gui, uknak gui la huhamah gui cu, tüisho ci. Khanpughi naw, khophlüt avan cu ani awn, ani ah hmawk ah tüisho ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

EPHESIAN 1:8

Khanpughi naw mikmi am kä ng’vangca ne anam shumphyuk gui ah, am gein nak cu, küikyang aih ci nei.

ROMAN 8:38

Cun ah kya sei, a i naw phi mikmi cu Bawipa ah m’hni nak awn kä nam chaa gui hlawt khai: sih nak la ghin nak ka phi kya, khan chang gui la khankho uk ne hlüngtai ci gui ah phi kya, tuh chü mawng nak ah phi kya, ngawi ah ma nak vai ah phi kya,

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

EZEKIEL 3:12

Cun kawn ah khanpughi ah mümcha naw kei cu nahanchang khä ta, ka hnu täng ah akdäm ah m’ngaw ah k’aw cu ka ng’yak ci, cun naw a pyen cu, “Khankho ah khan ah Bawipa ah bämang nak cu m’hlüng tai vä!” ciah kyak ci.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

EPHESIAN 1:23

Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

KOLOSE 2:10

Mumcha uknak la huhamah nak avan cu uk ciah acun ah Bawi ung nami om nak awn nangmi cu kümbe nak nami gah ci.

KOLOSE 2:15

Acun ah kutlamtung khan ah Bawi Khrit naw amät cu, Mumcha uknak ah hlüngtai nak la huham nak gui ungka phiawn sak ci.