EPHESIAN 2:5 - Cho Bible Common Language 2016

⁵ ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

EPHESIAN 2:5 Referans Kwoze

ROMAN 3:24

Cun ung phi chang gui hun gui ciah Jesuh Khrit ung, Khanpughi naw, a phu kä peit ah m’gein nak awn chang gui cu düng sak gui ci.

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

ROMAN 5:10

Mikmi cu Khanpughi ah gaa ah mi kya te ci, cun ung phi A Htapa a sih nak awn A teihpüi ah na pyang gui ci. Tuk bäi mikmi cu Khanpughi ah teihpüi ah mi kya pyi ci, cun ah kya sei, ghing ciah Bawi Khrit ung hun nak mi gah vai cu ngaih gep ah kyak ci.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.

LAMKTU 15:11

Mik mi cun phi ngami ah mäih ah mi yum u ne, Bawipa Jesuh ah m’gein nak awn hun nak mi gah ci” cine pyein ci.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

TITUS 2:11

Khanpughi naw hnicim chang avan, hun nak a gah nak vai ah am gein nak cu dang sak pyi ci nei.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

ROMAN 4:16

Cun ah kya sei Abraham ah hta ng’shon gui naw Khanpughi ah shaitaak, a phu kä peit ah ami gah vai cu ngaih gep khai ah, Khanpughi naw Abraham ah yum nak ah khan ah shaitaak nak a peit ah kyak ci. Cun ah shaitaak cu thukhän läk ci gui ah hmawk bäng ah kä kyak ci, Abraham ah mäih ah Khanpughi yum ciah chang gui ah hmawk ah phi kyak ci; a i ah kya sei ci ung Abraham cu mi van ah pa ah akyak ah hmawk ah kyak ci.

TITUS 3:5

mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

ROMAN 5:6

Mikmi cu am gein kaa ah mi kyak yah ung, Bawi Khrit cu Khanpughi ah k’bäi nak ah khin ung, mikmi la chang k’she gui ah hmawk ah sik ci nei.

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

JOHAN 5:21

Apa naw aksi m’ghin ba ne, ghin nak a peit ah mäih ah A Htapa naw phi ang yak hlü ah chang cu m’ghin ba khai.

THU PHLAAN 22:21

Bawipa Jesuh am geinsei nak cu nami changsing ah khan ah om sä! Amen.

LUKA 15:24

Ka hta cu ayan asih te ung phi tuhbäi ghing ba ci nei, ayan a maih te ung phi tuhbäi hmuh ba pyi nei” cine akchang gui-am pyein ah gui ci. Cun kawn ah ngami cu ei aw ne yeikyai yawp ci gui.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.