EPHESIAN 2:4 - Cho Bible Common Language 2016

⁴ Cun ung phi Khanpughi ah m’gein nak cu däm aih ne am hni nak cu hlüng aih khä tah,

EPHESIAN 2:4 Referans Kwoze

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.

EPHESIAN 2:7

Cun ah a bi ah mawng cu, mikmi-am am hni nak cu Bawi Khrit awn am dang nak ung, ani ah am gein nak a i hlawk ah adäm ah mawng cu, ngawi yä chang gui naw ami hmat vai ah hmawk ah kyak ci.

SAM 145:8

Bawipa cu m’hni nak la chimgein nak ah kyak ci, kä m’lungshe yäi ci, ng’täi ciah m’hni nak awn be ci.

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

1 TIMOTHI 1:14

Mi Bawipa naw küikyang ciah am gein nak cu nam shum phruk ne, mi Bawi Khrih ung kawng ät nak awn yum nak la m’hni nak phi na pek ci.

JEREMIAH 31:3

ashou nak ah ka naw ngami ung ka ng’dang ci. Israel chang gui, kei naw angtäi sei ka ning m’hni gui ci, Cun ah kyasei kei naw ng’täi ciah ka m’hni nak cu k’täi ne ka ning m’dang gui ci.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

2 THESSALONIAN 2:13

Phäi nau gui aw, Keimi naw Bawipa naw a ning m’hni gui ah nang mi ah hmawk ah angtäi sei Khanpughi cu kami m’kümto khai nei. Khanpughi naw nangmi ak htük bäih ah hun nak nami gah khai ah a ning khü gui cu, Mumcha Theing ah hlüngtai nak awn theingcim ciah akchang ah nami kyak ah hmawk la cacim nami yum ah hmawk ah kiak ci.

LUKA 1:78

Mikmi ah Khanpughi cu m’gein nak la k’dük nak awn be ci. Ani naw a hun nak ah akdei cu mi khan ah ng’shü law sak ne,

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

DANIEL 9:9

Nang naw na chimgein ci, na geinsei ci, cun ung phi keimi naw kami ning hnungtuk püi ci.

SAM 51:1

O Khanpughi, na m’hni nak awn na chimgein ä. Hlüngtai ciah na m’gein nak awn ka katnak gui na phai pe ä.

PHYAWN NAK 33:19

Bawipa naw, “Kei naw ka bäkhäk nak avan cu na ma ah ka hteh sak khai, ka ming theing cu na ma ah ka ng’shäu khai. Kei cu Bawipa nei, ka ghü ah chang am ka m’gein nak la ka m’hni nak cu ka m’dang khai nei.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.