EPHESIAN 2:18 - Cho Bible Common Language 2016

¹⁸ Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

EPHESIAN 2:18 Referans Kwoze

EPHESIAN 3:12

Mikmi cu Bawi Krih ung mi kawngät nak la ani mi yum nak awn, Khanpughi ah ma ah m’lung üp thamah ne mi gawk pyi ci.

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

EPHESIAN 4:4

Khanpughi naw a ning khü nak gui awn, ngaih u nak tumat bäng a om ah mäih ah pumsa tumat Mumcha tumat bäng om ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 10:9

Kei cu m’kawt ah ka kyak ci, cun ah m’kawt ung kei awn lut ci phung cu hun nak gah khai, ani cu lut ng’laang ne khu ali nak hmuk khai.

JOHAN 10:7

Bawipa Jesuh naw a pyein ba mä cu,” Kei naw akcang ka pyein cu, kei cu hto gui ah luh nak m’kawt ah ka kyak ci.

KALATIAN 4:6

Nangmi cu a hta gui ah nami dang vai ah, Khanpughi naw, “Pa, Ka Pa,” cine ng’khü ciah A Htapa ah Mumcha cu mi m’lung kyong ah yuk m’kyum lawk ci.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

HEBRU 7:19

Moses ah thukhän naw a i phi kä kümpäng sak hlawt ci. Tuhbäi mikmi cu bä pi ciah ngaih u nak mi gah pyii ci kyasei, cun ah ngaih u nak awn Khanpughi ah pei ah mi ng’et lawk ci.

EPHESIAN 3:14

Kei cu Pa Khanpughi ah ma ah m’kuukdong ne kang hui ci,

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

JAMES 3:9

Mikmi naw Khanpughi Bawipa mi m’hlüngtai nak ung m’lei cu mi mang ci, Khanpughi naw amüi ah a tüi ah mi chang paw mi yüihgen nak ung phi, m’lei bä mi mang ci.