EPHESIAN 2:17 - Cho Bible Common Language 2016

¹⁷ Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

EPHESIAN 2:17 Referans Kwoze

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

SAM 148:14

Ani naw a pakhui cu khüighat sak ci, Cun ah kyasei ak chang avan naw m’tam ci gui. Israel chang gui naw ani cu m’hni aih ci gui. Haleluyah!

THULÄÄN NAK 4:7

“A u ni pakhui a i hlawk ah dämduh ci phi Bawipa mi Khanpughi naw ana om püi gui ah mäih ah ami ng’yak hlü sang ung ami khanpughi naw kä et püi gui ci. Ana m’htei gui vai ami khü päng ung ani naw na m’shang gui ci.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

2 KORIN 5:20

Tuhbäi keimi naw Bawi Khrih ah hnün ung kami ning thu püi gui ci, Khanpughi a mät naw keimi ung om ne a ning thu püi gui ah mäih ah kyak ci. Bawi Khrih ah hnün ung keimi kami ng’ge ci nei; Khanpughi ah gaa ungka naw a teihpüi ah ng’thawng tu vä.

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

MATTHE 10:13

Im mah gui naw yei ne ami ning dou gui ung, nangmi ah yeikyai yavaih nak cu ngami ung gawk khai, kä ami ning dou gui ah a kiak ung nami yeikyai yavaih nak cu, nami mät ung law ba khai.

ISAIAH 27:5

Cun ung phi ka chang gui ah ami ga gui naw, kei ah shungvong nak ami m’hni al a kyak ung, kei awn dimdeeih nak bi sak gui vä. Ä, kei awn dimdeeih nak bi sak gui vä.”

SAM 85:10

M’hni nak la bekhüt nak cu ng’chum ni ne, düng nak la dimdeeih nak cu ng’pawng khai goi nei.

SAM 75:1

Ka mi ning m’taam ci nei, Khanpughi, ka mi ning m’taam ci nei! Na bäimang nak cu ng’shäu u ne, cäi aih vai na bi gui cu kami pyen ci nei.

ROMAN 10:14

Cun ung phi ngami naw kä ami yum ung a i chaa khü ne ng’yoi khai gui ang! Thu pyein kä a mi ng’yak ung, a i chaa yum khai gui ang! Thu ng’shäu ne pyein ci kä a om ung, a i chaa ng’yak khai gui ang!

EPHESIAN 4:21

Bawipa ah mawng cu akcang ah nami ng’ya pyi ci nei. A hnu läk ciah ak chang gui nangmi naw Bawi Jesuh ung Thu thuuk ah mawng cu nami theithang pyi ci nei.

LUKA 15:8

Cun kawn ah hnumi tumat ah ngui phe ghaa ung kaa, ngui phe a maih ung, ani cu mei m’däi netah kyong yung avan pheikphai ne shui ba khai nei.