EPHESIAN 2:16 - Cho Bible Common Language 2016

¹⁶ Bawi Khrit naw kutlamtung ung a sih nak awn, chang gui ah thüigen nak cu m’dim netah, changpakhui hnih cu kawngät sak ne, Khanpughi ah law püi ci.

EPHESIAN 2:16 Referans Kwoze

ROMAN 5:10

Mikmi cu Khanpughi ah gaa ah mi kya te ci, cun ung phi A Htapa a sih nak awn A teihpüi ah na pyang gui ci. Tuk bäi mikmi cu Khanpughi ah teihpüi ah mi kya pyi ci, cun ah kya sei, ghing ciah Bawi Khrit ung hun nak mi gah vai cu ngaih gep ah kyak ci.

KOLOSE 2:14

Ani naw, thüilü nak vai ah ng’taang ciah mi puu gui cu, am küm nak ah kutlamtung ung asih nak awn thung pyi ci.

EPHESIAN 2:15

Cun kawn ah Jew chang gui ah thukhän shaitaak gui cu nawng-en ne, Jew chang gui la chang khui hei gui cu, amät ung kawng ät sak gui ne, pakhui thai ah kyak sak gui ci. Acucha ah dimdeeih nak cu a peit gui ah kyak ci.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

ROMAN 6:6

Mi ghin nak k’phyim cu Bawi Khrit awn a täng ah kutlam tung ngawn pyi ah kyak ci. Cun ah kya sei katnak awn be ciah mi m’lung kyong cu dimaih pyi ci kya ne, mikmi cu katnak ah khlei-htein ah kä mi kya ba ci, cicu mi hmat pyi ci.

1 KORIN 10:17

M’Htut pum ät bäng om ci, mikmi cu mi da pang ung phi, cun ah m’htut pum ät cu mi ng’pai ci kya sei pumsa tumat ah mi kyak ci.

EPHESIAN 3:6

Cun ah thuuk ciah a mawng ung, Thu Ni awn chang khuihei gui naw, Jew chang gui ah mäih ah Khanpughi ah yoshen nak cu gah tuk ci gui. Jew chang gui la khuihei chang gui cu, pumsa tumat ung ka, ang phyeek pai gui ah kya ne, Bawi Khrit Jesuh ung Khanpughi ah shaitaak cu ng’kühyah ci gui.

EPHESIAN 4:4

Khanpughi naw a ning khü nak gui awn, ngaih u nak tumat bäng a om ah mäih ah pumsa tumat Mumcha tumat bäng om ci.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.