EPHESIAN 2:12 - Cho Bible Common Language 2016

¹² Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

EPHESIAN 2:12 Referans Kwoze

KALATIAN 4:8

Nangmi cu Khanpughi kä nami hmat pha ung, Khanpughi ah ng’hlawk ci gui ah khlei htein ah nami kya man ci.

KOLOSE 1:21

Ayan nangmi cu Khanpughi awn ng’shawng u ne akshe nami bilawh nak la nami ngaih-tüh nak awn aga ah nami kya te ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

1 THESSALONIAN 4:13

Phäi nau gui aw, sik ciah chang gui ah mawng akcang cu kami ninghmat sak gui hlük ci nei. Cun ung vah nangmi cu ngaih u nak kä om ciah chang gui ah mäih ah thüisei nak kä om khai.

EPHESIAN 4:18

Kä yum ci gui ah m’lung ngaih cu hnüp khui ah kyak ci. Ngami cu lulang nak maih ne cüivai nak kä om sei, ami m’lung ling ne, Khanpughi ah peit ah ghin nak awn api ah phi käng phaa ci.

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

1 THESSALONIAN 4:5

Khanpughi kä yum ci gui ah mäih ah pumsa ng’yak hlü düt ah kä nami om ih-en vai nei.

JOHAN 15:5

Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

ROMAN 9:8

Abraham ah hta ng’shon avan cu Khanpughi ah hta gui ah kä kyak ci, Khanpughi ah shaitaak awn ng’tüi lawk ciah chang gui cun vah, Abraham ah hta ng’shon akcang ah kyak ci gui.

2 SHONTÄP NAK 15:3

Khawkum akshou ung Israel gui cu Khanpughi akcang awn kä om u ne, m’theithang gui khai taigü gui phi kä om sei, thukhän phi kä om sei om ci gui.

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

LAMKTU 28:20

Cun ah kyasei nangmi awn ng’hmuh vai ah ka k’tha nak ah kya ci. Kei shin ah m’si gui, gui awn ami na khih cu, Israel chang gui naw, mi ngäng ah Bawipa ah hmawk ah kyak ci” cine pyein ci.

LAMKTU 3:25

Khanpughi naw a prophet gui awn apeit ah shai tak gui lah, Nami pu pa gui am Khanpughi ah ng’thu m’khän gui cu, nang mi ah hmawk ah kiak ci. Khanpughi naw Abraham am, “Nang ah hta ng’shon gui awn khomdek chang avan cu hrilham ka pe gui khai nei.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

1 TIMOTHI 1:1

Mi Hunbawi Khanpughi la mi ngaih u Jesuh Khrih ah m’hnüt nak awn Bawi Khrih ah düih püi ah ka kya ciah kei Paul naw —

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

KOLOSE 1:5

Thudüng, thuni a gawk law htük yah ung ng’shut lawk ciah ngaih u nak cu nami ng’ya pyi ci nei. Cun ah kyasei nami yum nak la nami m’hni nak cu khankho ah gim ah ngaih u nak ung ng’yung ci nei.

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

EZEKIEL 13:9

Muimang pyan ne, kä bä ciah ng’cängbang ciah prophet gui nangmi cu kei naw ka ning m’kyuk gui khai nei. Ka chang gui naw m’hnüt bäi vai ah ami ng’bum nak ung nangmi kä name om tuk khai nei; Israel pahta chang gui ah ming guk nak ung nangmi ah ming kä k’boih tu vai nei; nangmi cu name khaw ung kä name law bap hung khai nei. Cun kawn ah nangmi naw kei cu Uktu Bawipa ah name nah mat khai nei.

JEREMIAH 14:8

Nang bäng cu Israel gui ah ngaih u ah na kyak ci; nang bäng cu lei gai ung na hun gui ciah na kyak ci. Nang cu a i ah kyasei mi kho ung khin ah mäih ah mü ät bäng ip tuk ciah lam hteit khin ah mäih ah na kiak?

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

EZRA 4:3

Zerubabel, Joshua la a hta gui la ami ng’vai gui na ngami ami pyen nak gui cu, “Kami Khanpughi, Bawipa ah Taigüim cawh nak ung, nangmi ah bawm vai kä hlü ci nei, Sairus, Persia Ghangpughang naw ana thumkhän gui ah mäih ah kami mät naw kami co khai nei” cik ci gui.

KHEI NAK 18:19

“Israel chang gui naw aktung ah ami na pek law gui avan cu, nang, na htapami gui, na htahnumi gui avan am khonglän avan ung ka ning pe gui ci nei. Shin cu kei naw nang la na htangshon ung ka bi ah kä she hlawt ciah thukhän ah kyak ci.”

ISAIAH 61:5

Ka chang gui aw, khuihei chang gui naw nami bi bik khai gui nei. Ngami naw nami seime gui, nami lo gui, nami khaw gui, nami sapyit gui m’htei khai gui.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

EZEKIEL 47:22

Shin cu ngawi yä nami kaa nak vai nei. Nami ng’lung ah om tuk ciah a khohei chang gui la ashi ah ami hta nak gui naw phi, khaw nami ng’pai law ung gah tu u sä. Ngami cu Israel pakhui chang gui ah mäih ah nami om püi gui vai, Israel pakhui gui ah ng’lung ah khaw ami gah tu vai ah m’shüih ami tawk tu vai nei.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

EPHESIAN 2:19

Cun ah kyasei nangmi chang khui hei gui cu, chang heinu, thümnu m’donghman ah kä nami kya ba ci: keimi awn a täng ah Khanpughi ah chang, Khanpughi ah kiong khui chang ah nami kya pyi ci.

HEBRU 8:6

Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

PHYAWN NAK 12:45

Chang omktu la chang ghüh naw kä ami ei tu vai.