EPHESIAN 1:23 - Cho Bible Common Language 2016

²³ Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

EPHESIAN 1:23 Referans Kwoze

JOHAN 1:16

Ani cu m’geinsei nak awn kümbe ne, chang van tumat täi-am m’shumphyuk nak na pe gui ci.

EPHESIAN 4:12

Cun ah abi cu Bawi Khrit ah pumsa cawh kyan vai ah, Khanpughi ah chang khli naw, krihta khuut bi vai ah, pawng m’hteim ge vai hmawk ah kyak ci.

EPHESIAN 3:19

Ani ah m’hni nak cu nami hmat lawk khai, cun ung phi kümbe khai ah a i yah ung phi kä nami hmat hlawt khai — cun ah kiasei Khanpughi ung yungpyaa ne khänghtek vai ah ng’hläm ne nami ngaih gep vai nei.

EPHESIAN 4:10

Kyum lawk ciah Bawipa cu, a hlüngtai huham awn khopuui be sak khai ah mawpi khankho ah hang kai ba ciah Bawipa ah kyak ci.

1 KORIN 15:28

Apäng avan cu Bawi Khrih ah uknak ka ah a gawk awn ah, amät A Htapa cun phi, a päng avan a kho kaa ah gawk sak ciah Khanpughi ah kaa ah gawk khai; cun kawn ah Khanpughi naw a päng avan cu kümbe khai ah uk yawp khai.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

EPHESIAN 2:16

Bawi Khrit naw kutlamtung ung a sih nak awn, chang gui ah thüigen nak cu m’dim netah, changpakhui hnih cu kawngät sak ne, Khanpughi ah law püi ci.

1 KORIN 12:6

Khuut bi nak vai k’thagui a hlü hlü a om ung phi, chang a phäh phäh am, thagui a hlü hlü pek cicu Khanpughi tumat bäng ah kyak ci.

ROMAN 13:5

Cun ah kya sei nang cu Khanpughi ah m’shetkat nak kyih nak bäng awn ah kä kyak ciah namät ah m’lung kyong theing cim nak awn, uk ciah bawi ah huham cu na läk vai nei.

EPHESIAN 4:4

Khanpughi naw a ning khü nak gui awn, ngaih u nak tumat bäng a om ah mäih ah pumsa tumat Mumcha tumat bäng om ci.

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

EPHESIAN 4:13

Cun ah kyasei Khanpughi ah Htapa mi hmuhmat nak ung, mi yum nak tumat ah a kyak nak awn, mi van cu a täng ah mi kyumsawm khai nei. Mikmi cu Bawi Khrit ah küm ciah khüt nak ah mäih ah, ang htei ah a hlüng nak ah, cüivai lulaang ciah mi kya lawk khai nei.

KOLOSE 2:19

Pumsa ah lukhu ah kyak ciah Bawi Khrit akpan cu, chah ne ng’hlah tak ciah kyak ci. Bawi Khrit ah kut shum nak ah kyong ung pumsa cu ng’ghotai ne, thagui khingthang awn ng’khihkaih kawng ät yawp ci: Cun cu Khanpughi naw adäm ng’gho vai ang yak hlü ah mäih ah däm ng’gho lawk ci.