EPHESIAN 1:22 - Cho Bible Common Language 2016

²² Khanpughi naw ang nüng nüng cu Bawi Khrit ah khaw ka ah chah ne, khrithabum ung phi avan ah chunglu Bawipa ah ngoh sak ci.

EPHESIAN 1:22 Referans Kwoze

KOLOSE 1:18

Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

KOLOSE 2:10

Mumcha uknak la huhamah nak avan cu uk ciah acun ah Bawi ung nami om nak awn nangmi cu kümbe nak nami gah ci.

HEBRU 2:8

A päng nüng nüng uk khai ah na tüi sho ah kyak ci,” ciah om ci. Cacim theing naw, “Khanpughi naw chang cu a päng nüng nüng uk khai ah a tüi nei” chang ah kä uk a i kä om ci ciah a pyein ah kyak ci. Cun ung phi chang naw avan a uk cu tuhbäi mikmi naw kä mi hmuk ci.

KOLOSE 2:19

Pumsa ah lukhu ah kyak ciah Bawi Khrit akpan cu, chah ne ng’hlah tak ciah kyak ci. Bawi Khrit ah kut shum nak ah kyong ung pumsa cu ng’ghotai ne, thagui khingthang awn ng’khihkaih kawng ät yawp ci: Cun cu Khanpughi naw adäm ng’gho vai ang yak hlü ah mäih ah däm ng’gho lawk ci.

EPHESIAN 5:23

Krihtabum ah khan ah Bawi Khrit ah huham a om ah mäih ah ak chu ah khan ah a cei ah huham om ci nei. Bawi Khrit cu amät ah pumsa ah kyak ciah Krihtabum ah Hunbawipa ah kyak ci.

1 KORIN 11:3

Kei naw ka ning hmat sak gui hlü cu, pami avan cu Bawi Khrih naw uk ci, ak chu cu a cei naw uk ci, Bawi Khrih cu Khanpughi naw uk ci, ciah kyak ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

EPHESIAN 3:21

Cun ah Khanpughi ah bäkhäk nak cu, khrithabum ung la Bawi Khrit ung a kho phlüt ah ng’shü ne om sä! Amen.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

1 TIMOTHI 3:15

Cun ung phi kei cu ka shokshü ei ah a kyak ung, Khanpughi ah kyongkhui ung om ci gui naw, a i ah om ih vai cu nami hmat vai ah, shin ah ca ka guk law ah kyak ci nei. Cun ah kyongkhui cu ghing ciah Khanpughi ah krithabum ah kyak ci, cun ah Krithabum cu thu düng ah a tung ah kyak ci.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

SAM 91:13

Nang naw phongkawng gui la k’phyu ng’hlui gui, kawng hta gui la k’phyu m’äm ah gui cu na kho awn güt ne na kai nak khai nei.

KOLOSE 1:8

Ani naw ana pyein nak gui ah m’hni nak cu, Mumcha naw ning pe gui pyi ci nei.

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.