EPHESIAN 1:20 - Cho Bible Common Language 2016

²⁰ Bawi Khrit sih nak ung ka thawh ba sak ne khankho ah ak pat lam ung angoh sak yah ung a mang te ah kyak ci.

EPHESIAN 1:20 Referans Kwoze

HEBRU 10:12

Cun ung phi Bawi Khrit naw hnü ät ang bängah küikyan nak bi ne, cheishoh nak cu nawtpet ci. Hta ng’shon ung ng’täi ciah ng’ap nak phi bik ci, cun kawn ah Khanpughi ah k’pat lam ung kai ne ngok ci.

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

KOLOSE 3:1

Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

ROMAN 8:34

Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

MAKUH 14:62

Bawipa Jesuh naw, “Kei cu acun nei, nangmi naw chang ah Htapa cu a hlüngtai säih ah Bawimang ah k’pat lam ah ngoh sei phi bäi, khomei ung cun ne kyum law ba sei phi bäi, nami hmu lawk khai nei” cine kyak nak ci.

MATTHE 26:64

Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

LAMKTU 26:8

Shin ung gawk law ciah chang gui! “Khanpughi naw sik ci a thawh ba sak cu, kä yum vai kyak ci” cine a i ah kyasei nami pyein ang?

LAMKTU 10:40

Cun ung phi Khanpughi naw ak hnüüp thum hnüüp thawh ba sak ne, dang ba sak ci.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

JOHAN 10:30

Kapa la kei cu tumat ah kani kyak ci” cik ci.

JOHAN 10:18

A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

KOLOSE 1:16

Ani awn Khanpughi naw, khankho la khomdek ung om ciah ang tüi avan, hmuh thei la kä hmuh thei, mümcha hlüngtai nak gui, bawi gui, uknak gui la huhamah gui cu, tüisho ci. Khanpughi naw, khophlüt avan cu ani awn, ani ah hmawk ah tüisho ci.