EPHESIAN 1:11 - Cho Bible Common Language 2016

¹¹ Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

EPHESIAN 1:11 Referans Kwoze

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

EPHESIAN 1:14

Cun ah Mumcha Theing cu Khanpughi naw ak chang gui-am apeit ah shaitaak cu mi gah vai ah ang kyän nak ah kyak ci. Cun ah kyasei Khanpughi naw, amät ah chang gui-am kümbe ciah phiawn nak, na pe gui ci, cicu ngaih gep vai kyak ci. A bämang nak cu mi m’kümto khai nei!

EPHESIAN 3:11

Khanpughi naw ng’täi ciah ang bü nak awn, mi Bawipa Khrit Jesuh ung dang khai ah abi ah kyak ci.

EPHESIAN 1:5

Khanpughi naw mikmi cu, am’hni nak awn Bawi Khrit ung a hta gui ah mi kyak khai ah a na k’bäi gui pyi ah kyak ci. Cun cu Khanpughi ah ng’bü nak la ang yak hlü ah kyak ci.

KALATIAN 3:18

A vai sü ah Khanpughi ah m’shumphyuk nak cu thukhän ung düi ciah a kyak ung, cun cu shaitaak ung düi ciah kä kya ba khai. Cun ung phi Khanpughi naw a shaitaak awn Abraham cu, cun ah am shumphyuk ah kyak ci.

HEBRU 6:17

Khanpughi naw amä ah ng’bü nak kä am thawnghlai phung vai ah mawng cu, a shaitaak nak gah ciah chang gui ang hteiing ah m’dang gui hlük ci. Cun ah kyasei ng’phyun ne shai a taak ah kyak ci.

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

KOLOSE 3:24

Nami shüm vai cu Bawipa naw akchang gui-am a gim peit gui ah m’cümhnah nak cu nangmi am ning pe gui khai nei, ciah kyak ci. Akhuut nami bi peit ah Bawipa akcang cu Bawi Khrit ah kyak ci nei.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

LAMKTU 20:32

“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.

SAM 37:18

Bawipa naw ang thu ngai ci gui cu, teng ne m’htei gui sei, khaw cu ngami ah khaw ah ngawi yä kyak ci.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

ROMAN 11:34

Cacim theing ung; “Bawipa ah m’lung ngaih cu a u naw hmat ci ang! Bawipa cu a u naw m’shüm hmuh tu hning ci ang!

ZEKHARIAH 6:13

Ani cu Taigüim co ne, ghangpughang ah m’taam nak gah ne, ak chang gui cu uk gui khai. Taigü cu amang kiang pei ah ng’düi khai, ngani cu dimdeeih kyäp nep nak awn atäng ah bik khai goi.’

JEREMIAH 23:18

Kei naw ka pyen ci, “Shin ah prophet gui a u naw phi Bawipa ah ng’zih ciah ngaih-tüh cu kä hmat hlawt ci nei. Ngami ungka a u naw phi kä ng’ya man ci, ani ah thu kä hmuhmat man ci, ngaih ah phi kä ngai man ci, ani ah pyen phi kä geing ne man ci.

ISAIAH 28:29

Shin ah cüi vai nak gui avan cu m’gäi ciah Bawipa ung ka lawk ci. Khanpughi naw abi ah m’hnütbäi nak cu lunglang ci, cun gui co angtäi sei m’khütnäng nak ah kyak ci!

ISAIAH 5:19

Nangmi naw, “Bawipa naw, ani naw abi vai a pyan cu ang ghit ah bi sä, cun ung mikmi naw mi hmu hning khai nei. Theingcüm ciah Israel khanpughi naw a pawng püi gui cu bi sä; ani ah am lung ngaih cu mikmi naw mi hmuk khai nei.”

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

NG'THU K'THUUK~ 8:14

Kei naw ng’bü nak pyang ne a cun cu ka bik ci. Kei ung hmuhmat nak om ci, kei ka khüighat ci.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

EPHESIAN 1:8

Khanpughi naw mikmi am kä ng’vangca ne anam shumphyuk gui ah, am gein nak cu, küikyang aih ci nei.

JOB 33:29

Khanpughi naw shin gui cu leng ba ba ne bik ci.

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

LAMKTU 13:48

Cun ah thu cu changpakhui hei gui naw ng’ya u netah yeikyai u ne, Bawipa ah thu ni cu m’hlüng tai ci gui. Ang täi ghin nak gah khai gui ah a ghü gui naw Bawipa Jesuh cu yum lawk ci gui.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

ROMAN 8:30

Cun ah kya sei Khanpughi naw ghü ne ak pai gui cu khü gui ci; a khü gui ah chang gui cu amät ung chang düng ah k’bäi gui netah, amät ah bäkhäk nak cun phi gah sak gui ci.

ROMAN 9:11

Ngahni kä ng’tüi law pha ni ne, ak ni ak kaa kä a ni bilawh pha ung Khanpughi naw, Rebekka am, “Na hta ng’vai pi naw, ak hmaw pi cu hnün thawh pek khai nei,” cine kyak nak ci. Cun ah a pyein cu Khanpughi naw amät ah ng’yak hlü ah a hta tumat a ghü a mawng cu am dang ah kyak ci. Khanpughi naw cun ah abi cu, chang ah bilawh nak teng ne a ghü ah kä kyak ci, amät ah m’hni ah ghü ne a khü ah kyak ci.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.