DANIEL 9:7 - Cho Bible Common Language 2016

⁷ Nang Bawipa naw ak phlüt ah a hman cu na bik ci, cun ung phi keimi kami mät naw ak phlüt ah thang shet nak cu kami law püi ci. Shin cu Judea la Jerusalem ung om ci la kä ami bekhüt ah phäh ah aksho ang et khaw gui ung, nang na k’phyiit pai gui ah Israel gui avan ah phäh ah akcang ah kyak ci.

DANIEL 9:7 Referans Kwoze

DANIEL 9:14

Nang, O Bawipa kami Khanpughi, nang naw na na m’kyuk gui khai ah pawng ne a cun ah na bik ci, a i ah kyasei ci ung nang naw ak phlüt ah hman cicu na bik ci, keimi naw nang kä kami ning ngai ci.

DANIEL 9:8

Kami ghangpughang gui, kami uktu gui, la kami pupa gui cu thui ng’a vai ah hnün tho u ne, na ming hnung tuk ne shekak ci gui nei Bawipa.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

SAM 44:15

Kei cu ang’täi sei kä ka yei ci, thui ng’aa nak naw na küm ci,

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

ROMAN 6:21

Cun yah ung nami bi lawh gui naw a i ah phi kä ning khüi ng’vong gui ci, cun naw tuk bäi ning lü ng’aa sak gui ne, ak hnu ah sih nak ung ning gawk sak gui ci.

AMOS 9:9

“Kei naw thumkhän pe ne, Israel chang gui cu chüdawn ung htang chü ah mäih ah ka chü gui khai. Kä chang nak ci phung vai yawp vai ah changpakhui gui ah ng’lung ah ka chü gui khai.

EZEKIEL 36:31

Nangmi naw akshekha nami bilawh la chei ci gui. Nami bilawh cu nami shümba khai, nami katnak gui la nami chei nak gui ah phäh ah nami mät naw nami mät ning shemshai gui khai.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

ISAIAH 45:16

A gup pyang ci gui ami van cu lü ng’aa khai gui; ngami ami van cu thüi hmai khai gui nei.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

SAM 119:137

Bawipa, nang cu na düng ci, na thukhän gui cu taga ci.

SAM 51:14

O Khanpughi, ka ghin nak cu na pyang pe ne, na hun ä, kei naw yeikyai ne nang düng nak ka shüm khai nei.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

NEHEMIAH 9:33

Keimi na na m’kyuk gui cu na ng’düng ci nei; Keimi katnak bi pang u ngä sei phi, nang cu na bekhüt ci nei.

EZRA 9:13

Apäng päng cu kami khan ah kya law ne, kami katnak la cheishoh nak ah khan ah m’kyuk nak om sei phi, Kami Khanpughi naw kami katnak ah ta ng’neim tuba khai ah na m’kyuk gui ci nei ci la ghing ne om vai ah ana om sak gui cu, kami hmat ci nei.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

EZRA 9:15

Bawipa, Israel Khanpughi, nang cu na taga ci cun ung phi nang naw na na ghin om sak gui ci. Kami hmakat nak cu nang ah kami ng’coipa ci nei, keimi na ma ah law vai ah kä kami khinkha ci nei” cine pyen ci gui.”

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

JEREMIAH 33:16

Judah Chang la Jerusalem chang gui cu gun gui vai, ngami cu phiwng ne om khai gui. Cun ah mang gaw cu, “Na hunphiawn gui ciah BAWIPA” ciah khü khai gui

EZEKIEL 6:12

Asho nak ungka gui cu gaw ne sik khai gui; ang etnak ungka gui ng’tuk nak ung ngawn gui khai gui; k’pawih ba ci gui cu ei ah cawi ne sik khai gui. Ngami naw kei ah m’lungshe nak ah k’tut nak cu gah khai gui.

DANIEL 9:18

Na ngai gui ä, O Khanpughi, na teng gui ä, keimi ah kami khüikha nak la na ming m’küi ciah mang gaw ah yaica nak cu na hmuh pe gui ä. Keimi nang ah kami taigü ci, cun cu keimi naw a hman kami bi ah phäh ah kä kyak ci, nang naw na chimgein ah hmawk ah kyak ci nei.

JEREMIAH 4:17

Chang gui naw lo ami ngäng ah mäih ah ngami naw Jerusalem cu koi khai gui, a i ah kyasei ci ung Bawipa cu a chang gui naw hnungtuk püi ci gui nei. Bawipa naw pyen ci nei.

JEREMIAH 7:19

Cun ung phi akcang ah ami natsak cu kei ah kä kya ne ang? Ka nei! Ngami naw ami mät naw ami mät natsak u ne, ami mät ah khan ah lü ng’aa nak law püi ci gui nei.

JEREMIAH 32:32

ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

EZEKIEL 5:10

Ak hnu ah Jerusalem ung nupa gui naw ami hta gui ei khai gui, ami hta gui naw ami nupa gui ei khai gui. Kei naw nangmi cu ning m’kyuk gui ne, ghin ne om ba ci gui cu alam pän gung ka n ing püi pyang sak gui khai.