DANIEL 9:5 - Cho Bible Common Language 2016

⁵ “Keimi cu kami hmakat ci, keimi cu kami sawkshe ci, keimi naw cheishoh khai ah kami bik ci. Kami bi vai ah nang naw na thumkhän ci keimi naw kami k’taih ci, nang naw a hman na na m’hnuh gui cu kami ng’hlah tak ci.

DANIEL 9:5 Referans Kwoze

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

DANIEL 9:15

O Bawipa kami Khanpughi, Na chang gui Egypt khaw ah kaa na law püi ba nak gui awn na huham cu na dang sak ci nei, na huham cu shüm lä ci gui nei. Keimi cu kami hmakat ci, cheishoh khai ah kami bik ci nei.

SAM 106:6

Keimi cu kami pupa gui ah mäih ah katnak kami bik ci; kami shekak ci, kami cheishoh ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

NG’ÄI KYAH 1:20

O, Bawipa, kei ah ka omdam nak aih, ka m’lung a khüikha nak aih cu teng ä. Kei ah ka katnak gui ah hmawk ah ayä nak awn ka m’lung cu payak ci nei. Lam gui ung ngawn nak om ci, kyong khui ah phi sih nak om ci.

JEREMIAH 14:7

Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.

SAM 18:21

Kei naw Bawipa ah thukhän cu ka läk ci, Khanpughi hnu na ne kä ka ng’hlat ci.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

SAM 119:102

Nang na mät cu ka ning saya ah kiasei, na m’shüm thein gui cu kä ka nawng phung ci nei.

EZRA 9:6

Kei naw, “O Khanpughi, nang ah ma ah ka lu ka tä law vai ah ka ng’aa aih ci nei. Kami katnak cu ng’pum ci nei, kami lu ah ta hlüng pi ci nei. Khankho ah mäih ah hlüng lawk ci nei.

SAM 119:176

Maih ciah htome ah mäih ah ka ng’vaak shüi ci nei; Na changshäm cu law ne na teng law ä, Kei naw na thukhän gui cu kä ka nawng düt ci nei.

JEREMIAH 44:3

a i ah kyasei ci ung ami chang gui naw akshe bi u ne, kei cu na m’lungshe sak ci gui. Ngami naw a khanpughi hei ghi am khawihnak nak cu douthak u ne, ngami, nangmi la nami pupa gui naw kä ami khawihnah man ah khanpughi gui ah bii cu bik ci gui.

NG’ÄI KYAH 1:18

“Cun ng phi Bawipa cu taga ci, kei naw kä ka ngaih ah phäh ah kyak ci. Na ngai vä, a khaw päng ung chang gui, kai ah ka m’neh nak cu na teng vä, Kei ah ka chang hnumi pami chang nong gui cu, pha ne ahei ah hteh püi ci gui nei.

NG’ÄI KYAH 3:42

Keimi naw hmakat u ne kami ning hnungtuk püi ci nei. Cun ah kyasei nang Bawipa naw kä na na m’geinsei gui ah kyak ci nei.

DANIEL 9:9

Nang naw na chimgein ci, na geinsei ci, cun ung phi keimi naw kami ning hnungtuk püi ci.

2 GHANGPUGHANG GUI 18:12

Samaria ashum cu, Israel chang gui naw ami Khanpughi Bawipa kä ami läk ah hmawk ah kyak ci, ngami naw ani naw abi püi gui ah thukhän cu m’shet u ne, Bawipa ah changshäm Moses naw a pek gui ah thukhän gui avan cu kä läk ci gui. Ngami naw kä ngai ci gui, kä läk ci gui.

2 GHANGPUGHANG GUI 21:15

Kei naw ka chang gui ah khan ah shin ah ka bik khai. A i ah kyasei ci ung ngami naw kei na hnung tuk püi ne katnak bi u ne, ami pupa gui Egypt khaw ungka naw ami law ba ungka naw tuh ngawi ung khüt khai ah kei ah m’lung cu na shet sak ci gui.”

ISAIAH 64:4

Nang ah mäih khanpughi cu a u naw kä ng’ya man ci, kä hmu man ci nei, ami ngaih u nak ani ung tha ci gui ah phäh ah shin ah mäih bik ci kä om man ci nei.

JEREMIAH 14:20

Bawipa, nang ning hnungtuk püi ne kami hmakat cu, kami mät ah katnak la pupa gui ah katnak cu kami ng’kiaa ci nei.

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.

EZEKIEL 5:6

Cun ung phi Jerusalem naw kei ah thumkhän gui cu hnungtuk ne küknet ci ani naw a hei pakhui khaw gui ah ta a shetkat tuba cu m’dang ne, ani koi ciah khopäng gui ah mä ng’thu kä a läk tuba ah mawng cu m’dang ci. Jerusalem naw ka thumkhän gui cu hnungtuk ne ka thukhän gui läk vai ah mak ci.