DANIEL 9:3 - Cho Bible Common Language 2016

³ Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

DANIEL 9:3 Referans Kwoze

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

EZRA 9:5

Mühun täng khawihnah nak akhin gawk law khäta, thüi ne ka ngoh nak ungka tho law ne, sui teek sui ne, m’khukdong ne, taigü ne Bawipa kakhanpughi ah ka kut ka shäng ci.

EZRA 10:6

Cun kawn ah ani cu Taigüim ungka naw Eliashib ah hta Jehihanan ah om nak kyong ah hteit ne omktu chang gui ah kä bekhüt nak ah phäh ah mü lüng ne thüi kyap ci. Ani naw a i phi kä ei awk ci.

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

LUKA 2:37

Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.

JOEL 1:13

Sonkyang ung bii bik ciah taigü gui; ng’yu nak sui sui ne kyap vä! Taigüim ah hteit ne mü lüng ne kyap vä! Nami Khanpughi am nami douthak vai atheih, atui a i kä om ci nei.

EZEKIEL 36:37

Uktu Bawipa naw pyen ci, “Kei naw Israel gui cu ka m’htei htang gui vai ah ka k’thäh ba sak gui mä khai, kei naw ngami cu htome bum ah mäih ah ka dämda sak gui khai.

SAM 35:13

Cun ung phi ngami ami nat law ung kei cu sui she sui ne, ei hlawi ne, kawp ne, ka taigü ci.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

NEHEMIAH 9:1

A cun ah cha a hnüüp m’ku lei phli nak ung Israel chang gui cu ami hmakat nak thüi ne ami ng’yu ba ah mawng ami m’dang nak ah ei hlawi khai gui ah ng’bum ci gui. Ngami cu akhui hei chang van ami van awn ami mät ng’pai pyi ci gui ah kyak ci. Ngami cu ami thüisei nak dang khai ah suishe sui ne, ami lu khan ah m’vut tha u ne kyak ci gui. Cun kawn ah ng’düi law u neta ami mät la ami pupa gui ah m’cheishoh ah hmakat nak gui cu ng’yu ba ci gui.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

DANIEL 9:2

Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

DANIEL 9:4

Bawipa ka Khanpughi ah taigü ne, ka chang gui ah katnak cu ka ng’yuu ba ci. Kei naw ka pyen ci, “Bawipa Khanpughi, nang cu na dämduh ci, keimi naw kami ning m’tamkhah ci. Nang cu na thukhän ung bekhüt ne, nang ning m’hni ci gui la nang ah thumkhän bik ci gui ah khan ah ng’täi ciah m’hni nak na m’dang ci.

DANIEL 9:20

Kei cu hteit ne ka taigü ci, ka katnak gui la ka chang gui Israel gui ah katnak gui ka ng’yu ba ci, cun kawn ah Bawipa ka Khanpughi naw theingcim ciah a Taigüim am thawh ba vai ah ka ng’coipa ci.

JONAH 3:5

Nineveh chang gui naw Khanpughi ah ng’thu cu yum ci gui. Chang päng naw ei hlawi vai ah k’bäi u ne, chang avan akbä pi ungka naw ak ghawipi ung khüt sei, ng’yu nak m’dang nak ah suishe sui ci gui.

2 SAMUEL 12:16

David cu ak hmaw a gai ba vai ah Khanpughi ah taigü ci. Ani cu ei api ah phi kä ei ci, amü päng akhan kyong ah hteit ba ne, amü pum k’cigem ung ng’yän ci.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

MATTHE 17:21

(Khoshe cu, taigü nak la ei hlawi nak ah kawn ah a i awn kä nami m’khüt khai nei),” cine pyen na gui ci.