DANIEL 9:26 - Cho Bible Common Language 2016

²⁶ Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

DANIEL 9:26 Referans Kwoze

NAHUM 1:8

Tuinu ng’güüt ne khaw akhi ah mäih ah aga gui cu m’di gui yawp ci. Ani hnungtuk püi ci gui ah khan ah ami sih nak vai yuk chah lawk ci.

ISAIAH 53:8

Ani cu pha u neta, ngawn ci gui, Cun ung phi ani ah ghin nak cu a u naw a i ah kä ngai ci. Ani cu mikmi chang gui ah katnak ah phäh ah sih nak ami pek ah kyak ci.

MAKUH 13:2

Bawipa Jesuh naw, “Shin ah chün aih ciah im nu cu tuhbäi nang naw na hmuk ci. Shin ah im ungka lung gui cu avan she ne ng’gäi yawp khai, lung tumat phi amät ah om nak ung kä om ba khai” ci ne pyein ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

LUKA 24:26

Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci.

MAKUH 9:12

Bawipa Jesuh naw, “Apäng avan cu ana pyang m’tham ma khai ah Elijah cu akcang ah kyum law ma khai. Cun ung phi cacim naw, “Chang ah Htapa cu yaica nak la shedam nak khan khai” cine a i ah kyasei a pyein ang?

MATTHE 24:2

Bawipa Jesuh naw, “Shin ah cawh kyan gui cu nangmi naw nami hmuk ci nei, kei naw akcang ka pyein cu shin ah pum im cu cawh nak ah lung tumat phi a mät ah om nak ung kä ng’yän ba khai ah ng’gäi ne maih lawk khai nei,” cine pyein ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

DANIEL 11:10

Siria ghangpughang ah hta gui naw ng’tuk vai ah pawng u ne, gakap akda m’cut khai gui. Cun gui ungka tumat naw tui k’law ah ng’güt ah mäih ah gakap ng’vongpang tumat cu tuk khai.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

ISAIAH 8:7

kei, Bawipa naw, Assiria ghangpughang la a gakap avan cu Judah tuk khai ah ka law püi gui khai. Ngami cu tuikam avan ung ng’güt ne lawk ciah Euphratis tuinu ah mäih ah gawk kawk khai gui.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

JOHAN 14:30

Khomdek khan uk cicu gawk law pyi ci, cun ung phi, ani ung kei anam khüt nak vai a i kä om ci.

LUKA 24:46

Bawipa Jesuh naw, “Cacim ung, Messiah cu sihnak awt khai, cun kawn ah ak hnüüp thum hnüüp sihnak ungka tho ba khai.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

MAKUH 13:7

Nangmi naw a shou nak, ang et nak ung ng’tuk nak ah mawng nami ng’yak ung kä nami kyihkyawk vai, Cun gui cu akcang ah küm khai, cun ung phi kho ah khüt nak vai cu kä gawk law phak ci.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

MATTHE 22:2

“Khanpughi ah uknak kho cu shin ah mäih ah kya ci. Hngü ät ung ghangpughang tumat cu, a hta ah chu la ne m’um khai ah pawng hteim ci.

AMOS 9:5

M’gäi ciah Uktu Bawipa naw m’dek cu tawn sei, ani cu ng’thüng ci; A cun ung om ci avan kyap ci. M’dek khan avan tho ne Nile tuinu ah mäih ah kyu ba ci.

AMOS 8:8

Cun ah kyasei m’dek cu thüng khai. Khaw ung chang päng cu ng’hlaw ei khai. Khopäng avan thüng khai, cun cu tho ne Nile tuinu ah mäih ah kyeim ba khai.

HOSEA 1:9

Bawipa naw Hosea pyen nak ci, “Aming cu kei ah kä chang — ciah sui ä, a i ah kyasei ci ung Israel chang gui cu kei ah kä chang gui, kei cu ngami ah kä Khanpughi nei” cik ci.

JEREMIAH 46:7

A u ang, Nile tuinu ah mäih ah let lawk ci, Tuikam ung be ne long ciah tuinu ah mäih ah kyak ci?

SAM 22:15

Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.

LUKA 21:6

Bawipa Jesuh naw, “Shin ah nami hmuh gui cu avan she ne maih khai nei. Lung k’pei tumat phi a hnün ung kä ng’taih ba shüt sei she ne a maih nak ah a khin gawk lawk khai nei,” cik ci.

MATTHE 23:38

Cun ah kyasei na pum im cu Khanpughi naw nawng sei, im ghawng ah kia lawk khai nei.

DANIEL 11:17

Siria ghangpughang naw a gakap avan phook ne ng’tuk vai ah pawng khai. Cun kawn ah aga ah uktu khaw a shum nak vai ah, ani naw aga am a hta hnumi chu na sak ne ng’khawt sheng nak bik khai, cun ung phi ani ah pawng püi cu kä näng khai.

JEREMIAH 51:42

Tuinu cu Babilon ah khan ah long ne, m’ngawk tui ng’hnawk naw küm ci nei.

DANIEL 11:22

Ani hnungtuk püi ci phung cu Khanpughi ah taigütung ah a kyak ung phi k’täm ne tuthat khai gui.

2 SAMUEL 21:5

Ngami naw, “Saul naw na m’di gui hlük ci, Israel khaw a hawi ah phi kami ghin tuba vai ah kä na nawng gui ci.

ISAIAH 28:2

Bawipa ung k’thamah ci tumat om ci, ani cu huham mah ne tu gui ge khai ah kyak ci, ani cu gäinu ah mäih ah, kho k’aa nu ah mäih ah kho ng’güüt ah mäih ah huham mah ciah tui k’law ah mäih ah kya ne, kho avan cu küm khai nei.

ISAIAH 28:22

Kei naw ka ning pek gui ah thukbäi cu kä nami gaih en vai nei, nami gaih ah a kyak ung nami phiawn vai cu khak pi khai nei. M’gai ciah Bawipa naw khawpäng apum ah m’di khai ah akbäi cu kei naw ka ng’yak ci nei.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.