DANIEL 9:25 - Cho Bible Common Language 2016

²⁵ Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

DANIEL 9:25 Referans Kwoze

EZRA 4:24

Taigüim ami cawh ba ng’lung ami ng’düm nak cu Persia ghangpughang dirius ah uk nak akum goi nak güt ung om lä ci.

JOHAN 4:25

Cun ah hnumi naw, “Messiah Bawipa a gawk law vai cu, ka hmat ci, ani a gawk law ung a päng avan nam thein gui khai” cine pyein ci.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

DANIEL 9:23

Nang naw Khanpughi ah na ng’coipa sangung ani naw ning m’shang ci. Ani naw ning m’hni gui ci, cun ah kyasei ani naw a ning m’shan nak gui cu kei naw law püi ne ka ning m’thein gui ci. Tuhbäi muimang phlan ne ka ning m’thein gui yah ung geing na ne nami ngaih vai nei.

DANIEL 8:25

A i ah kyasei ci ung ani cu thei leh ciah kya ne hleei hlak nak täng ung ani cu näng nak gah ci. Ani cu amät m’ghämce ne a u kä m’cäicat ah chang akda m’di khai. Ani naw ghangpughang avan ung dämduh pi ci phi küknet püi khai, Cun ung phi ani cu chang ah huham awn kä kyak ci awn m’di nak gah khai.

NEHEMIAH 6:15

Elul cha a hnüüp m’ku lei hma nak, ami bi nak a hnüüp hma kip lei goi nak ung mangpang avan cawh ba cu pyi ci gui.

NEHEMIAH 4:8

Cun ah kyasei ngami ami van law ne tu vai, Jerusalem cu tu ne, ng’go gaam khai ci vai ah k’bäi ci gui,

NEHEMIAH 3:1

Shin cu mang gaw pang ami cawh ba ah mawng ah kyak ci. Taigüpa Eliashib la ak taigü gui naw Htome M’kawt cu co ba u ne, shoh cu a hmun ung tha ci gui. Ngami naw paang cu Kumphia Tänghän la Hananela Tänghän güt ah ap ci gui.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

DANIEL 8:11

Khankho gakap gui ah manghta phi k’taap ne, ani am a hnüüptä ami douthak phi ng’düm sak ci.

SAM 71:10

Ka gaa gui naw ka ngawn hlü ci gui, Na ng’küükneet püi ne ng’thu htau ci gui.

EZRA 7:8

Ngami naw a cha ät nak ah a hnüüp ät nak ung Babilonia cu hteh ta u ne, Khanpughi naw am htei nak gui awn cha hma nak ah a hnüp ät nak ung Jerusalem ah gawk ci gui.

EZRA 7:1

Khokum akda lüng khäta, Artaxerxes cu Persia ghangpughang ah a kyak yah ung, Ezra ming nak ciah chang tumat om ci. Ani naw apupa gui cu Taigütung Aaron ung va leng ne shin ah ng’dang sak ci. Ezra cu Seriah ah hta, Seriah cu Azariah ah hta, Azariah cu Hikiah ah hta,

2 SAMUEL 15:25

Ghangpughang naw Zadok am, “Thukhän M’küm cu la ne mang gaw ah hteh püi ba vä, Bawipa naw ana yei nak ah akiak ung hnüüp ät ung na law ba sak khai, a om nak ah hmun ung ka hmu ba khai.

EPHESIAN 5:16

Tuhchü cu shekak ciah a khin ah kyak ci, cun ah kyasei, nami gah ah akhin k’ni phung cu, ak ni pi ah nami mang vai nei.

LAMKTU 8:30

Cun ah kyasei Philip cu dawng ne a pei ah hteit neh, Isaiah ah guk ah cangcim aphat cu ng’yah netah, “Na phat ah cang cim ah mawng cu na hmat ciang?” cine ng’shik ci.

MATTHE 13:23

M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.

NEHEMIAH 4:2

Apawchang gui la Samaritan gakap gui ah ma ah ani naw a pyen cu, “Ami k’tha kä om ciah shin ah Jew gui naw a i bik ci gui ah ang ami ngaih? Ngami naw mang gaw co ba khai gui ah ng’bü u ne ang? Ngami naw khawihnah ami douthak nak awn hnüüp ät ung pyi ne bi khai ah ngai u ne ma? Ngami naw im cawh nak ah lung gui cu mei ah m’khih ah ng’awt bum ung ka la ba khai gui ah ngai u ne ma?”

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.