DANIEL 9:23 - Cho Bible Common Language 2016

²³ Nang naw Khanpughi ah na ng’coipa sangung ani naw ning m’shang ci. Ani naw ning m’hni gui ci, cun ah kyasei ani naw a ning m’shan nak gui cu kei naw law püi ne ka ning m’thein gui ci. Tuhbäi muimang phlan ne ka ning m’thein gui yah ung geing na ne nami ngaih vai nei.

DANIEL 9:23 Referans Kwoze

DANIEL 10:19

Ani naw pyen ci, “Khanpughi naw ning m’hni ci nei, cun ah kyasei a i naw kä ning ng’ä en sak sä, kä ning kyih en sak sa.” Ani naw shin ah a pyen yah ung, kei naw thamah ba pi neta ka pyen cu, “Bawi aw, nang naw na pyen vai cu na m’thein ä. Nang naw na na hüiyang sak pi ci nei.”

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

LUKA 1:28

Khankho chang naw Mari ah ma ah, “Na khan ah ding gei nak om sä, Bawipa naw a täng ah ning om püi ne, küikyang ciah hrilham ning k’be sä!” pyen nak ci.

SOLOMON NG’Ä~ 7:10

Kei ah ka m’hni naw na khäm ci, ani naw na ng’ya hlük ci.

EZEKIEL 26:12

Nami ga gui naw nami khawh gui, nami khawhcham gui cu lak khai gui. Ngami naw nami paang gui cu buh tawn u ne, nami im kyom gui cu gäi khai gui. Ngami naw lung gui, sing k’peen gui la im ami phyet gui avan cu la ne tuinu ung shum khai gui.

EZEKIEL 24:16

Ani naw pyen ci, “Hnicim chang, nang naw na m’hni pi k’bäih ah chang cu kei naw ang ghit ah ka lak khai. Nang cu ng’thu kä na m’da vai, kä na kyah vai, na ng’phli tui kä na chak vai.

DANIEL 6:3

Daniel naw ahei tängpang ci guii la uktu gui ah ta bä pi khai ah a bi cu dang ci. Ani cu ang htei ah cüivai ci kya sei, uknak khaw avan ung ang vaipi ah tha vai ah ngai ci.

2 GHANGPUGHANG GUI 19:20

Isaiah naw ghangpughang Hezekiah am ng’thu a pyen nak ghangpughang ah taigü nak ung gawk lawk ci cu,

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.

DANIEL 10:1

Cairus cu Peisia ghangpughang ah a kyak nak a kum thum ung Belshazzar ah phi ami pyen ah Daniela ung ng’thu m’khäh gawk lawk ci. Thu m’khäh cu akcang ah kyak ci, cun ung phi kä hmat hlawt vai ah kyak ci. Cun cu ani ah muimang ung ng’phlan ne gawk lawk ci.