DANIEL 9:21 - Cho Bible Common Language 2016

²¹ Kei ka taigü sangung muimang ung kei naw ka hmuh te ah Kabriela cu kei ka om nak ah yong ne lawk ci. Cun cu douthak vai ah mühun täng khawihnah nak ah a khin ah kyak ci.

DANIEL 9:21 Referans Kwoze

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

DANIEL 8:16

Cun kawn ah Ulai tuinu täng ah ka, ng’khü ah k’aw cu kei naw ka ng’yak ci, “Kabriela, ani naw a hmuh ah a mawng cu ani am m’thein ä.”

DANIEL 10:16

Cun kawn ah chang ah mäih lawk ciah khanchang naw akut shäng ne ka m’nei na tawk ci. Kei naw ani ka pyen nak ci, “Bawi aw, shin ah muimang naw tha na ken sak sei, kei kä ng’düm ne ka ng’hlet cinei.

1 GHANGPUGHANG GUI 18:36

Khaw k’awi täng khawihnah nak ah khin ung prophet Elijah naw sonkiang pei ah law neta ak taigü cu, “O Bawipa, Abraham, Issak, Jakob ni ah Khanpughi, Israel gui ah Khanpughi ah na kyak ah mawng, kei cu na na changshäm ah ka kyak ah mawng, shin gui avan nang ah thumkhän awn ka bi ah mawng cu tuhbäi m’dang law ä.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

DANIEL 10:18

Hnü ät mä ani naw na k’pang bamä khä ta, ka thamah law ba ci.

DANIEL 8:18

Ani naw ng’thu a pyen yah ung kei cu m’dek ung kyu ne kä ng’shüm ne ka ng’yän ci. Cun ung phi ani naw kei cu na k’pang ne, ka khaw awn ka ng’düi khai ah na m’tho neta,

ISAIAH 6:2

Ani veing ne mei ah däi ciah khawchang gui ng’düi ci gui. Tumat naw cuk ci ng’phai nak ci gui. Ang phia hnih naw a hmai uk ci, ahei ang phia hnih naw apum uk ci, a hei ang phia hnih cu a zon nak ah kyak ci.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

PHYAWN NAK 29:39

Htome tumat awn khaw ngawi ah hnü ät, tumat awn mühun ah hnü ät khawihnah vai.

HEBRU 1:7

Cun ung phi khanchang gui ah mawng a pyein nak ung, “Khanpughi naw ak khanchang gui cu, khokhi ah pyang gui ne, ak changshäm gui cu meidäi ah pyang gui ci,” ci ne pyein ci.

LAMKTU 12:7

Khanpughi ah khankho chang cu ang ghit ah Peter ah pei ah ng’düi law sei, thawng im kyong cu dei ne khang ci. Khankho chang naw Peter cu ak phleing ung pang ne, “Ang ghit ah tho law” ci ne m’tho ci. Acun vai am Peter ah kut ung m’si gui gui cu ng’phian ne yu kya vü yawp ci.

LAMKTU 10:9

Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.

LAMKTU 3:1

Khaw hnüüp ät ung Peter lah Johan cu kho k’awinu, k’taigü nak khin ung pum im ah hteit ci gawi.

MATTHE 27:46

Kho k’awi nu nayi thum akhin ung Bawipa Jesuh cu, “Eli. Eli, Lama sabachthani,” cine ng’shan sei m’lau ci. Acun cu “Ka Khanpughi a i ah kyasei kei na na nawng ang” cine a pyein ah kyak ci.

DANIEL 10:10

Cun kawn ah kut naw kei cu na k’pang neta, ka kut la ka khaw ung na m’tho ci, kei cu ka ng’hlet lä ci.

EZEKIEL 1:14

Cun ah khiküi gui ami mät cu a lai läp ah ciah ng’lim ne hteit ci gui ang ghital.

EZEKIEL 1:11

Khiküi tumat naw ami ng’phia m’dawng gui ng’tawn tuk khai ah, ami ng’phia hnik ci k’phiat ci gui. Ahei ami phia hnih ci naw ami pum hnu nak khai ah khes ci gui.

SAM 104:4

Nang naw khokhi cu na ng’shä tüih ah mang ne, lailäp khodei cu na changshäm nak ci.

LUKA 1:26

Eliyabeth am gai nak ak cha chuk nak ung, Khanpughi naw khankho chang Gabriel cu Kalile kho Nazaret gawnu ah tüi lawk ci.

THU PHLAAN 9:17

Ka mang ung ka hmuh ah cun ah ng’se ng’cum ci gui ah ami awi k’bah ah shawiphaw gui cu, ak’ai amkim ah mei ah mäih ah sen ne yüi ci gui. Ng’se gui ah ami lu cu phongkawng ah lu ah mäih lawk ci, ami m’gawng ung mei k’däi, meikhu la ami m’äm gui lut lawk ci.

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.

1 GHANGPUGHANG GUI 18:29

Ngami cu khaw hnüüp lunglai güt m’lau ne ng’pyang ci gui; cun ung phi m’shan nak gui kä gawk lawk ci, a i k’aw phi kä ng’yak ci gui.