DANIEL 9:2 - Cho Bible Common Language 2016

² Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

DANIEL 9:2 Referans Kwoze

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

2 SHONTÄP NAK 36:21

Cun ah kyasei cun cu Bawipa naw prophet Jeremiah ung ng’cängbang nak a pyen ah kümbe nak ah kyak ci: “Kho ng’lei cu khokum chih kip ung shiü khai nei, cun cu kyiin hnüüp ung düm vaisü te, kä bi ah phäh ah kyak khai nei.

THU PHLAAN 1:3

Shin ah mawng gui a khüm law nak vai ng’et law pi ci kyasei, shin ah ca phat ciah chang phung la shin ah ng’cäi nak ah ng’thuthuuk ngai ng’yak ciah chang phung ni, shin ung guk ah thuthuuk läk ciah chang gui phung cu, yeikyai nak om ci nei.

ZEKHARIAH 7:5

Ani naw, “Mi khaw ung chang gui la taigü gui cu m’thein gui ä, shin ah khawkum chihkip ah kyong ung, a cha hma nak la a cha chih nak ung ei hlawi ne, thüikyap ne ami taigü cu kei ami na m’taam ah kä kyak ci nei.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 25:18

Jerusalem la Judah gawnu gui avan, ami ghangpughang gui la ami ng’vai gi awn atäng ah shin ungka awk sak gui vai, cun ung ngami cu teng ci gui naw ami kyihkyawk cäicat vai ah khonggau ah kyak khai gui. Cun ah kyasei chang gui naw ngami ah ming cu plah taam ah pyen ci gui — cun gui cu atuta phi kya tu lä ci.

JEREMIAH 7:34

Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.

ISAIAH 64:10

Nang ah theingthap ciah mang gaw gui cu ng’kiang k’de ah mäih ah kyak ci; Jerusalem cu dishum ne shiu ci,

1 TIMOTHI 4:13

Kei kä ka law pha ah chuih chang gui ah ma ah caciim phat ne, thu pyein ne m’theithang ne, k’tha na ne na bi vai nei.

LAMKTU 8:34

Cun ah bawi naw, Philip am, “Prophet naw a u ah mawng a pyein ang? amät ah mawng ang? Chang hei ah mawng ang? nam thein tuä” ci ne ng’shik ci.

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

SAM 119:24

Nang ah m’shüm thein nak gui naw yeikyai nak na pek ci; Ngami naw na tängpang püi ci gui.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 1:1

Shin ah ca-uk cu Hilkiah ah hta Jeremiah ah thu pyen guk ah kyak ci, ani cu Benjamin khopäng, Anathoth gawnu ung taigü tumat ah kyak ci.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

ZEKHARIAH 1:12

Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.

EZEKIEL 29:11

A i hnicim chang, a i khisa phi cun ung kä hteit khai. Khokum phli kip ung cun ung a i phi kä om khai.