Biblia Todo Logo
Bib sou entènèt

- Piblisite -




DANIEL 9:19 - Cho Bible Common Language 2016

19 Bawipa, na ng’ya gui ä. Bawipa na m’geinsei gui ä. Bawipa na ngai gui ä, hnün tho ä Cun ung chang nü naw nang cu Khanpughi ah hmat khai gui nei, kä shoshü enä, Shin ah mang gaw la shin ah chang gui cu nang ah kaa gui nei.”

Gade chapit la Kopi




DANIEL 9:19
32 Referans Kwoze  

Na ngai gui ä, O Khanpughi, na teng gui ä, keimi ah kami khüikha nak la na ming m’küi ciah mang gaw ah yaica nak cu na hmuh pe gui ä. Keimi nang ah kami taigü ci, cun cu keimi naw a hman kami bi ah phäh ah kä kyak ci, nang naw na chimgein ah hmawk ah kyak ci nei.


Im mah naw ka teihpüi ah kyak ci, cine let law ba ne m’htut kä hang pe ba khai. Cun ung phi ani cu kä lü ng’aa ne ang yawih laih laih ah a kyak ung im mah naw let law ba ne m’htut cu hang pe ba ling khai.


Kei naw ka mang ung khaw a kyong ung khu am kim phung khanpeh gui naw ei yawp u sei ka hmuk ci. Cun kawn ah kei naw, “Uktu Bawipa na chang gui cu m’gein gui ä! A i hawkcha ah ngami pawih ba khai gui ang? Ngami cu yawken aih ci gui nei!”


Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.


Cun ah kyasei ak htük ung Bawi Khrit ging ne mi ngai ciah mikmi naw, Khanpughi ah bämang nak cu mi m’kümto khai nei!


A i ah kyasei nang cu cäi vai ah ami hteh püi ah chang ah mäih, amgein kaa gakap ah mäih ah Huham kä om ciah na kiak? Bawipa, akcang ah nang cu keimi awn na om ci nei! Keimi cu nang ah chang gui nei; kä na nawng en gui ä!


Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.


Tuhbäi Bawipa, kei ka taigü ci, kä ng’thawng hlai ne dämduh ciah na m’hni nak la m’geinsei nak awn, Egypt khaw ami hteh tak ung tün ne, na m’geinsei gui ah mäih ah shin ah chang gui ah katnak cu m’geinsei gui ä.”


Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!


Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.


“Cun kawn ah tuhbäi, kei, uktu Bawipa ungka ngami ah phäh ah ng’thu cu Israel gui am pe gui ä: Kei naw nami hteh nak ah kho nü ung gui ah phäh ah kä kyak ci, nangmi naw nami hteh nak ah kho nü ung thu ng’aa nak vai ah nami bi ah kei ah ka ming theing ah phäh ah kyak ci.


Cun ung phi kei naw Egypt ah ka Israel gui ka luh law püi ba gui yah ung na hmuk ciah changpakhui gui ah ng’lung ah ka ming, a thang shek khai kyasei cun ah kä ka bik ci nei.


Cun ung phi Egypt khaw ah ka Israel gui ka luh law püi ba gui sang ung na hmuk ci gui ah changpakhui gui ah ng’lung, kei ah ka ming cu thang shek khai kyasei, cun ah kä ka bik ci nei.


Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.


Kei naw m’dimshum nak ah bii cu ka mät ah mang gaw ung ka tün khai. Ngami naw kä m’kyuk gui vai ah ngai u ne ang? Kaa nei, khomdek khan ung chang avan am ng’tuk nak ka tüih lawk khai, cun ah kyasei ngami cu m’kyuk gui vai nei kei, m’gäi ciah Bawipa naw ka pyen nei.


ami taigü cu ngaih pe gui ä. Khankho na im ah ka naw ng’ya gui ne, chimgein gui ne, na chang gui ah hma nak avan cu m’geinsei gui ä.


Ka taigü cu na ngaih pe ä, na chang gui Israel gui naw shin ah hmun täng ah mang ne, ami taigü cu ngaih pe gui ä. Khankho na im ah ka naw na ng’ya gui ne, na m’geinsei gui ä.


Om ciah chang nüng nüng cu kei ah lawk khai, Kei naw ka khü gui ah changpakhui hei gui phung cun phi ka khäm gui khai.


Bawipa naw, “Israel chang gui ah khan ah kei ah ming cu, hriham ah kyak ciah ngami naw ami ng’shäu ah a kyak ung, kei naw hriham ka pe gui khai.”


Ngami cu ka mät ah chang gui, ka bäimang nak law püi khai gui ah ka tüi sho gui ah kyak ci nei.”


Swiv nou:

Piblisite


Piblisite